Haazir Hain Haazir Hai Ham

Haazir Hain Haazir Hain Ham

Kalaam of Adeeb Raipuri

Jo Teri Rehmath Ka Munkir Hai Wo Mera Dil Nahi
Maangna Jisko Na Aaye Wo Koi Saail Nahi.
Aye Karam Parwar Karam Mere Gunahon Par Na Jaa
Rehem Ke Qabil Hoon Mai Insaaf Ke Qabil Nahi.

Haazir Hain Haazir Hain Haazir Hain Ham
Haazir Hain Haazir Hain Haazir Hain Ham. (x4)

Laaiqe Hamdo Sana Tere Siwa Koi Nahi
Sunne Waala Aasiyon Ki Ilteja Koi Nahi
Doobton Ko Jo Banade Na Khuda Koi Nahi
Jholyan Bharde Jo Sunkar Mudda'a Koi Nahi
Haan Siwa Tere Siwa Tere Siwa Koi Nahi
Tar Hain Daman Bhi Hamare Aur Aankhen Bhi Hai Nam.

Le Chali Rehmat Ki Janib Lazzate Tohfe Haram
Aasiyon Miskeeno Mujrim Horahe Hain Mohtaram
Ye Teri Shaane Kareemi Ye Tera Lutfo Karam
Badhrahe Hai Teri Janib Tere Bandon Ke Qadam
Mudda'a Teri Raza Teri Khushi Tera Karam
In Tamannaon Ka Rakhna Aye Khuda Wanda Bharam.

Ye Sharaf Ke Aadmi Allah Ke Ghar Jaaega
Ye Sharaf Ke Paak Damanon Ka Rutba Paayega
Ye Sharaf Ke Har Khata Rab Darguzar Farmaega
Ye Sharaf Ke Daagh Daman Se Har Ek Dhuljaega
Ye Sharaf Ke Rauzae Shah e Umam Par Jaayega
Is Sharaf Par Jaan Bhi Qurban Karden To Hai Kam.

Ye Safar Hajj Ka Safar Bigde Banata Hai Naseeb
Ye Safar Maqlooq Ko Khaliq Se Karta Hai Qareeb
Ye Safar Yaani Marizon Se Mulaqate Tabeeb
Ho Muqaddar Me Agar Arfath Ka Maidan Naseeb
Ye Dua Maango Khade Hokar Wahan Par Aye Adeeb
Ho Ghulame Mustafa Me Naam Apna Bhi Raqam.