Ba Khuda Ali Sa Banda Na Hua Na Hai Na Hoga

Ba Khuda Ali Sa Banda Na Hua Na Hai Na Hoga

Ba Khuda Ali Sa Banda Na Hua Na Hai Na Hoga
Koi Phir Haram Me Paida Na Hua Na Hai Na Hoga.

Dulha Khuda Ke Ghar Ka Dulhan Nabi Ke Ghar Ki
Duniya Me Aisa Rishta Na Hua Na Hai Na Hoga.

Sare Daar Madhe Haidar Jo Ye Karrahe Hain Meesam
Kahin Aisa Phir Qaseeda Na Hua Na Hai Na Hoga.

Girah...
Ali Ki Jaa -E- Wiladat Ki Baat Jab Bhi Chali
Kaha Khuda Ne Ham Apna Makaan Dete Hain
Daar Pe Chadh Ke Ye Meesam Bayaan Dete Hain
Rahega Zikre Ali Ham Zabaan Dete Hain
Sher...
Jisko Mila Hai Bistar Aur Mustafa Ki Dukhtar
Aisa Naseeb Waala Na Hua Na Hai Na Hoga.

Jo Rida Ali Ne Odhi To Sabhi Rasool Samjhe
Kisi Aur Par Ye Dhoka Na Hua Na Hai Na Hoga.

Girah...
Hijrath Ki Shab Ali Ne Guzaari Hai Iss Tarah
Duniya Samajh Na Paayi Muhammad Hain Ya Ali.
Naame Ali Se Sadma Pohoncha Jo Khaarji Ko
Aise Kisi Ko Sadma Na Hua Na Hai Na Hoga.

Lekar Ali Ko Godh Me Bole Ye Mustafa
Mai Aayina Ali Ka Ali Mera Aayina.

Sher...
Hai Bahisht Se Bhi Badhkar Teri Rotiyon Ki Kheemat
Koi Maal Itna Mehenga Na Hua Na Hai Na Hoga.

Tu Laakh Bol Kafir Lekin Ye Yaad Rakhna
Imran Ka Khasara Na Hua Na Hai Na Hoga.

Girah...
Kafir Batarahe Hain Wo Haidar Ke Baap Ko
Jinko Khud Apne Baap Ka Shijra Nahi Mila.

Apne Maula Pe Dilo Jaan Se Qurban Hoon Mai
Abu Talib Ke Gharane Ka Musalman Hoon Mai.

Kun Ke Jageer Ka Maalik Teri Jholi Me Pala
Ye Jahan Cheez Hai Kya Lauho Qalam Tere Hain
Mere Imran Se Kehte Rahe Hazrath Iqbal
Ki Muhammad Se Wafa Tu Ne To Ham Tere Hain.

Deen -O- Imaan Ke Imaan Ko Kafir Na Kaho
Harame Haq Ke Nigehbaan Ko Kafir Na Kaho
Awwaliyath Hai Khadija Ki Sabhi Maaon Me
Kam Se Kam Maa Ke Nikahkhwan Ko Kafir Na Kaho.

Sher...
Baad Az Khuda Muhammad, Maula Ali Hain Maula
Ummat Me Koi Maula Na Hua Na Hai Na Hoga.

Girah...
Rasoolallah Ne Mimbar Par Khade Hokar Ye Farmaya
Meri Ummat Ka Hai Rehbar Ali Haidar Ali Haidar.

Sher...
Jaise Ali Jee Chahein Waise Hazeen Ko Rakhkhe
Naukar Ko Koi Shikwa Na Hua Na Hai Na Hoga.