Har Lehza Hai Rehmath Ki Barsaat Madine Me

Kalaam of Muhammad Ali Zahoori Sahab

Har Lehza Hai Rehmath Ki Barsaat Madine Me
Faizane Muhammad Hai Din Raat Madine Me.

Palkon Pe Sajaunga Mai Khaak Madine Ki
Lejayein Agar Mujhko Halaath Madine Me.

Kuch Haar Duroodon Ke Hai Zaade Safar Mera
Lejaunga Ashkon Ki Saughaat Madine Me.

Arshi Bhi Sawaali Hain Farshi Bhi Sawaali Hain
Milti Hai Shafa'at Ki Khairaat Madine Me.

Darbar Se Koi Bhi Nakaam Nahi Phirta
Sunte Hain Wo Saail Ki Har Baat Madine me.

Jis Zaat Ki Barkat Se Hai Naam Zahoori Ka
Hai Jalwa Numa Harsu Wo Zaat Madine Me.