Aouj Paana Mere Huzoor Ka Hai
Aouj Paana Mere Huzoor Ka Hai
Kalaam of Owais Raza Quadri Sahab
Aouj Paana Mere Huzoor Ka Hai
Arsh Jaana Mere Huzoor Ka Hai.
Arsh Se Bhi Pare Wo Ho Aaye
Aana Jaana Mere Huzoor Ka Hai.
Shadiyane Baje Shabe Meraj
Aaj Jaana Mere Huzoor Ka Hai.
Haq Ta'ala Ka Jalwa Raaton Raat
Dekh Aana Mere Huzoor Ka Hai.
Baithe Baithe Madina Ghoom Aaye
Kya Bulana Mere Huzoor Ka Hai.
Dene Waali Hai Zaat Allah Ki
Par Dilana Mere Huzoor Ka Hai.
Mai Hoon Taiyyar Intezar Ye Hai
Kab Bulana Mere Huzoor Ka Hai.
Laalo Yaqoot Neelam -O- Marjaan
Har Khazaana Mere Huzoor Ka Hai.
Bhai Bhai Muhajiro Ansar
Dil Milana Mere Huzoor Ka Hai.
Jaame Sheer Ek Sher Sattar Ne
Ye Pilana Mere Huzoor Ka Hai.
Kaash Kehne Lage Ye Log Ubaid
Tu Diwana Mere Huzoor Ka Hai.
Dil Ubaide Raza Ka Hai Gulshan
Dil Sajana Mere Huzoor Ka Hai.