Naseeb Apna Jagaya Ali Ali Karke

Naseeb Apna Jagaya Ali Ali Karke

Naseeb Apna Jagaya Ali Ali Karke
Har Ek Gham Ko Mitaya Ali Ali Karke.

Use Na Donon Jahan Me Koi Kami Aayi
Khuda Ko Jisne Manaya Ali Ali Karke.

Issi Wazife Ne Rakha Hai Sar Buland Mujhe
Kahin Bhi Sar Na Jhukaya Ali Ali Karke.

Kaha Nabi Ne Ke Pehchan Hai Ye Momin Ki
Sare Imaan Bachaya Ali Ali Karke.

Hisaar Baandha Hawaon Ne Ird Gird Aakar
Diya Jo Maine Jalaya Ali Ali Karke.

Meri Nazar Me Yehi Ek Ilaaj Tha Inka
Munafiqon Ko Jalaya Ali Ali Karke.

Wo Apne Shijre Me Dekhe Kahan Kharabi Hai
Jise Bhi Kaif Na Aaya Ali Ali Karke.

Ghadeere Khum Me Sahaba Ke Saamne Sarwar
Mere Nabi Ne Dikhaya Ali Ali Karke.