Har Zamana Mere Hussain Ka Hai
Har Zamana Mere Hussain Ka Hai
Aaj Aana Mere Hussain Ka Hai
Har Zamana Mere Hussain Ka Hai.
Jiske Khaatir Ye Kayenath Bani
Aisa Nana Mere Hussain Ka Hai.
Ye Jo Taare Se Jhilmilate Hain
Muskurana Mere Hussain Ka Hai.
Jiske Sadqe Me Baqshe Jayenge
Wo Gharana Mere Hussain Ka Hai.
Jiske Haq Me Hai Aayate Tatheer
Wo Gharana Mere Hussain Ka Hai.
Behre Qidmat Hai Qudsiyan Haazir
Wo Gharana Mere Hussain Ka Hai.
Ye Jo Kaaba Hai Tum Na Samjhoge
Ghar Purana Mere Hussain Ka Hai.
Jis Jagah Hur Banaye Jaate Hain
Kaarkhana Mere Hussain Ka Hai.
Baabe Khaibar Ukhada Ek Pal Me
Aisa Baba Mere Hussain Ka Hai.
Ye Jo Kuch Bhi Zameen Se Ugta Hai
Daana Daana Mere Hussain Ka Hai.
Mit Gaya Daur Ab Yazeedon Ka
Ab Zamana Mere Hussain Ka Hai.
Mere Ghar Me Charagh Jalte Hain
Aana Jaana Mere Hussain Ka Hai.
Roz Padhta Hoon Surae Rehman
Ye Tarana Mere Hussain Ka Hai.
Jisko Ham Aasman Samamjhte Hain
Shamiyana Mere Hussain Ka Hai.
Mujhme Rehan Ye Mizaaj Jo Hai
Shaayirana Mere Hussain Ka Hai.