Akse Ruqe Rasool Hai Chehra Hussain Ka

Kalaam of Hazrath Altaf Samdani R.a

Akse Ruqe Rasool Hai Chehra Hussain Ka
Badre Muneer Naqshe Kafe Paa Hussain Ka.

Bole Umar Ye Bete Se Likhwaale Hai Ghulaam
Mehshar Me Kaam Aayega Likhkha Hussain Ka.

Wo Karbala Ki Jung Wo Sajda Hussain Ka
Dono Jahan Ne Hausla Dekha Hussain Ka.

Asghar Ko Apne Haathon Me Laana Hussain Ka
Baatil Ke Moo Pe Hai Ye Tamacha Hussain Ka.

Ho Kal Ki Baat Jaise Shahadat Hussain Ki
Gham Iss Tarah Hai Aaj Bhi Taza Hussain Ka.

Husne Rasool Hogaya Taqseem Iss Tarha
Aadha Hasan Ka Hogaya Aadha Hussain Ka.

Hathiyaar Haq Ke Bangaye Asghar Ke Khushk Honth
Jhoole Me Jung Ladhta Hai Baccha Hussain Ka.

Mai Unse Hoon Wo Mujhse Hain Aaqa Ne Ye Kaha
Batladiya Sarkar Ne Rutba Hussain Ka.

Darbare Shaam Aur Wo Zainab Ki Guftagu
Duniya Ko Yaad Aagaya Qutba Hussain Ka.

Altaf Aadmi Wohi Aala Tareen Hai
Adna Ghulam Jo Bhi Hai Aaqa Hussain Ka..