Dil Me Ishqe Nabi Ki Ho Aisi Lagan

Kalaam of Saaim Chishti Sahab

Dil Me Ishqe Nabi Ki Ho Aisi Lagan
Rooh Tadapti Rahe Dil Machalta Rahe
Zindagi Ka Maza Hai Ke Har Saans Se
Ya Muhammad Muhammad Nikalta Rahe.

Ya Muhammad Muhammad Mai Kehta Raha
Noor Ki Motiyon Ki Ladi Bangayi
Aayaton Se Milata Raha Aayatein
Phir Jo Dekha To Naate Nabi Bangayi.

Jo Bhi Aansu Bahe Mere Mehboob Ke
Sab Ke Sab Abre Rehmat Ke Cheetey Bane
Chagayi Raat Jab Zulf Lehra Gayi
Jab Tabassum Kiya Chandni Bangayi.

Ye To Maana Ke Jannat Hai Baaghe Haseen
Khoobsurat Hai Sab Khuld Ki Sar Zameen
Husne Jannat Ko Phir Jab Sameta Gaya
Sarware Ambiya Ki Gali Bangayi.

Jab Chida Tazkira Unke Ruqsaar Ka
Waz Zuha Pad Liya Wal Qamar Kehdiya
Suraton Ki Tilawat Bhi Hoti Rahi
Naat Bhi Hogayi Baat Bhi Bangayi.

Sab Se Saaim Zamane Me Mazoor Tha
Sab Se Bekas Tha Bebas Tha Majboor Tha
Unko Reham Aagaya Mere Halaat Par
Meri Azmath Meri Be Basi Bangayi.