Kardo Lillah Karam Aye Mere Shaahe Umam

Kardo Lillah Karam Aye Mere Shaahe Umam
Deed Jalwon Ki Ataa Kijiye Aankhein Hain Nam.

Rehmate Rabbe Ulaa Sarware Arzo Sama
Hum Gunahgar Sahi Teri Ummat Me Hain Hum.

Sabz Gumbad Ki Faqat Tishnagi Aoun Pe Hai
Rakhna Ya Salle Alaa Hum Faqeeron Ka Bharam.

Zeest Ki Ek Ghadi Sakht Mushkil Hai Kadi
Ab Bulalije Hame Tan Me Saanse Bhi Hain Kam.

Hai Dua Shaam -O- Sahar Ho Madine Ka Safar
Khaake Aqdas Pe Jabeen Jhukte Hi Nikle Ye Dam.

Hai Dua Sikhle Wo Naat Likhne Ka Hunar
Kardo Ishrath Ko Ataa Ya Nabi Aisa Qalam.