Allah Ka Jo Sher Hai Waliyon Ka Wali Hai

Allah Ka Jo Sher Hai Waliyon Ka Wali Hai

Allah Ka Jo Sher Hai Waliyon Ka Wali Hai
Wo Maula Ali Maula Ali Maula Ali Hai.

Maula Ali Ke Naam Ka Tum Wird To Karo
Ye Wird Jo Karta Hai Wo Banjaata Wali Hai.

Dulhan Bani Hain Fatima Dulha Hai Murtaza
Ban Than Ke Madine Se Ye Baraat Chali Hai.

Allah Re Kya Shaan Hai Binte Rasool Ki
Hasnain Ki Hain Waalida Zauja -E- Ali Hai.

Jannat Jo Chaahte Ho To Banjaao Ali Ke
Jannat Ka Jo Rasta Hai Ali Hi Ki Gali Hai.

Khaibar Me Ali Maula Ne Ye Jalwa Dikhaya
Har Jaa Yehi Charcha Tha Ali Hai Ye Ali Hai.

Mushkil Kabhi Jo Aaye To Maula Ko Pukaaro
Iss Naam Se Mushkil Meri Har Ek Tali Hai.

Mushkil Kabhi Jo Aaye To Ghabraao Na Logon
Mushkil Jahan Talti Hai Najaf Ki Wo Gali Hai.

Kaabe Me Wiladat Hai To Masjid Me Shahadath
Ye Shaan Ye Azmath To Ali Hi Ko Mili Hai.