Aye Mustafa Ke Nawason

Aye Mustafa Ke Nawason Ali Ke Dildaron
Tumhein Khuda Ke Ye Bande Salaam Kehte Hain

Habeeb Ibne Mazahir Jo Karbala Aaye
Labe Hussain Pe Muskan Ki Faza Laaye
Janabe Zainabe Kubra Ka Naam Farmaye
Hussain Dekh Ke Bas Baat Ek Kahi Jaaye
Ye Dosti Ko Khuda Ka Inaam Kehte Hain.

Diya Jalaa Ke Bujhake Janabe Ghazi Ne
Ali Wali Ke Wo Bachpan Ke Pyaare Maazi Ne
Dua -E- Zahra Ne Aur Karbala Ke Qaazi Ne
Jamaale Quwwate Haidar Ki Aks Saazi Ne
Kaha Mujhe Bhi Alaihis Salaam Kehte Hain.

Sajjaad Taqt Pe Baithe Yazeed Se Bole
Gunah Se Lithde Hue Uss Paleed Se Bole
Jinaan Se Door Jahannam Raseed Se Bole
Nigah -O- Qalb Ke Yaksar Badeed Se Bole
Ham Ab Bhi Teri Ye Bay'at Haraam Kehte Hain.

Hata Ke Chehre Se Parda Kaha Ye Akbar Ne
Batool Zaadi Ke Bhaanje Ne Aur Dilbar Ne
Uss Ek Waqt Ke Ahmad Ne Aur Haidar Ne
Wilayaton Ke Ufak Par Chamakte Akhtar Ne
Mujhe Hi Surate Khairul Anaam Kehte Hain.

Jahan Se Guzri Hai Zahra Batool Ki Jaani
Ruqaiyya Zainab -O- Kulsoom Si Wo Lasaani
Rubaab -O- Laila Sakeena Si Aal Noorani
Janabe Fizza Si Bhi Khadima -E- Ba Maani
Ussi Jagah Ko Hi Bazaare Shaam Kehte Hain.

Karam Ki Nok Jo Aashteen Ka Dhan Likhe
Jo Zulme Shaam Me Taiba Ki Ek Kiran Likhe
Jo Ek Lafz Me Likhe To Paanch Tan Likhe
Jo Apne Khoon Se Sharaait Ko Kul Matan Likhe
Hussain Aise Hasan Ko Imaam Kehte Hain.

Jo "Innama" Ki Fazilath Ki Aabru Thehre
Jo Aasman Ke Khutras Ki Justaju Thehre
Jo Jibraeel Ki Barson Se Aabru Thehre
Jo Apne Sajde Me Allah Ke Rubaru Thehre
Unhein Farishte Alaihis Salaam Kehte Hain.