Shaahe Mardaane Ali

Shaahe Mardaane Ali

Kalaam of Saaim Chishti

Ali Imaame Manasto Manam Ghulame Ali
Hazaar Jaane Giraami Fidaye Naame Ali.

Haidariyam Qalandaram Mastam
Bandaye Murtaza Ali Hastham
Peshwaye Tamaam Rindanam
Ke Sage Kooe Shere Yazdanam.

Kabhi Deewar Hilti Hai Kabhi Dar Kaamp Jaata Hai
Ali Ka Naam Sunkar Ab Bhi Khaibar Kaamp Jaata Hai.

Shahe Mardane Ali. (x4)

Patthar Pe Alam Deen Ka Gaada Jisne
Lalkaar Ke Marhab Ko Pachaada Jisne
Wo Hain
Ali Ali Maula Ali...

Japle Japle Re Manwa
Yehi Naam Saccha Hai Pyaare
Yehi Naam Tere Dard Mitaave
Issi Naam Ki Barkat Ne Diye Raaze Haqiqat Khol Tu Bhi Bol Ali Ali Maula Ali, Ali Maula Ali

Kab Kisi Benawa Se Kehta Hoon
Baat Shere Khuda Se Kehta Hoon
Sab Ke Haajat Rawa Se Kehta Hoon
Door Hoja Nazar Se Aye Mushkil
Warna Mushkil Kusha Se Kehta Hoon.
Kyun Ke Wo Hain Mere

Ali Ali Maula Ali, Ali Maula Ali

Shaahe Mardaane Ali
Laa Fatah Illa Ali
Shere Yazdaane Ali
Haq Ali Ali Ali Maula Ali Ali.

Chorus...

Tan Par Ali Ali Ho Zubaan Par Ali Ali
Marjaun To Kafan Pe Bhi Likhna Ali

Chorus...

Baghair Hubbe Ali Muddua Nahi Milta
Ibadaton Ka Bhi Hargiz Sila Nahi Milta
Khuda Ke Bandon Suno Ghour Se Khuda Ki Qasam
Jise Ali Nahi Milte Khuda Nahi Milta.

Chorus...

Basad Talash Na Kuch Wus'ate Nazar Se Mila
Nishane Manzile Maqsood Raahbar Se Mila
Ali Mile To Mile Khaanae Khuda Se Hame
Khuda Ko Dhoonda To Wo Bhi Ali Ke Ghar Se Mila.

Chorus...

Khuloose Dil Se Ali Ka Jo Naam Leta Hai
Wohi To Lazzate Umre Tamaam Deta Hai
Khuda Ke Bandon Suno Ghaor Se Khuda Ki Qasam
Ali Ka Naam To Girton Ko Thaam Leta Hai.

Chorus...

Haq Ali Ali Maula Ali Ali Ali Maula (Darbari)

Paighambari Ke Chand Ka Haala Ali Ali
Baatil Ki Teergi Ka Ujala Ali Ali
Paighame Kirdgaar Ka Jauhar Ali Ali
Imaan Ke Sadaf Ka Hai Gauhar Ali Ali.

Chorus...

Ustaade Jibraeele Mukarram Ali Ali
Maulaye Kayenath Moazzam Ali Ali
Sardare Ambiya Ka Tabassum Ali Ali
Chashme Junoone Afzalo Akram Ali Ali.

Khulde Bareen Ki Aabo Hawa Hai Ali Ali
Jinno Bashar Ka Aaqa -O- Maula Ali Ali
Har Ek Wali Ke Dil Ki Sada Hai Ali Ali
Mahboobe Mustafa -O- Khuda Hai Ali Ali.

Chorus...

Har Qalb Ali Jism Ali Jaan Ali Hai
Mujh Besaro Samaan Ka Samaan Ali Hai
Imaan Ki Mutlashiya Imaan Ki Kehdoon
Imaan To Ye Hai Mera Imaan Ali Hai.

Chorus...

Ibadaton Ka Jo Unwaan Hai To Zikre Ali
Kamaale Markaze Imaan Hai To Zikre Ali
Sukoone Qalb Ka Samaan Dhoondne Waalon
Sukoone Qalb Ka Samaan Hai To Zikre Ali.

Chorus...

Mauloode Kaaba Deene Mukammal Ali Ali
Paighambari Ka Shaahide Awwal Ali Ali
Virde Zubaan Ehle Zamana Ali Ali
Yaktae Rozgaar Yagana Ali Ali
Altafe Bebadal Ka Khazana Ali Ali
Insaan Ki Azmaton Ka Tarana Ali Ali.

Chorus...

Nazar Haqiqat Shanas Paayi
To Kya Kahun Kis Ada Ko Dekha
Har Ek Zarre Me Jalwa Farma
Muhammado Murtaza Ko Dekha
Qasam Khuda Ki Ali Nabi Se
Nabi Ali Se Juda Nahi Hain
Ali Ko Dekha Nabi Ko Dekha
Nabi Ko Dekha Khuda Ko Dekha.

Chorus...

Sahar Hui Shabe Meraj Ki To Logon Ne
Jamaale Paaye Ruqe Sayyadul Bashar Dekha
Kahan Ghulamon Ne Ham Se Bhi Kijiye Irshaad
Jo Kuch Huzoor Ne Ya Shah Arsh Par Dekha.

Jo Harfashaa Hue Laale Labe Rasoole Kareem
Ajeeb Martaba Haidar Ka Arsh Par Dekha
Wali Wali Ki Sada Thi Jahan Jahan Pohonche
Ali Ali Nazar Aaye Jidhar Jidhar Dekha.

Chorus...

Ali Baghair Koi Buturaab Ho Na Saka
Ye Wo Sawaal Hai Jiska Jawaab Ho Na Saka
Bohot Se Hafizo Qaari Bane Magar Koi
Ali Sa Aalime Ummul Kitaab Ho Na Saka.

Chorus...

Har Ek Wali Ke Dil Ki Sada Hai Ali Ali
Khulde Bari Ki Aabo Hawa Hai Ali Ali
Jo Raahe Haq Ka Raaho Numa Hai Ali Ali
Mahboobe Mustafa -O- Khuda Hai Ali Ali.

Chorus...

Sach Baat Me Kisi Ko Bhala Kya Kalaam Hai
Be Hubbe Ahle Bait Ibadath Haraam Hai
Insaniyath Ko Jisne Diya Dars -E- Laa Ilaah
Pehle Bhi Wo Imaam Tha Ab Bhi Imaam Hai.

Chorus...

Sher...
Deed Haidar Ki Ibadath Hai Ye Farmane Nabi
Hai Ali Roohe Nabi, Jisme Nabi, Jaane Nabi
Gule Tatheer Ali, Haq Ki Shamsheer Ali
Peeron Ke Peer Ali, Haq Ali Ali Maula Ali Ali.

Gira...
Jinki Mehfil Ho Wo Mehfil Me Zaroor Aate Hain
Aao Sab Karlo Deed Haidar Ki...

Nigahein Raah Me Bichado Ke Aap Aaye Hain
Dilon Ko Farsh Banado Ke Aap Aaye Hain.
Sab Karlo Deed Haidar Ki...

Sambhal Ke Baithna Maula Ali Ke Deewanon
Hareeme Naaz Ke Parde Uthaye Jaate Hain.
Sab Karlo Deed Haidar Ki.

Sher...
Dono Aalam Ke Hai Waliyon Pe Wilayath Unkiq
Saari Duniya Ke Imaamon Pe Imaamat Unki
Husne Taqdeer Ali, Nabi De Wazeer Ali
Haq Ki Tasweer Ali, Ali Haq Ali Ali Ali Maula Ali Ali.

Chorus...

Sher...
Unki Saaim Hai Wiladat Ki Jagah Harame Kaaba
Aankh Kholi To Chehraye Muhammad Dekha
Noori Tanveer Ali, Badre Muneer Ali
Maalike Taqdeer Ali, Ali Haq Ali Ali Ali Maula Ali Ali.

Chorus...

Daste Ilaa Kyun Na Ho Shere Khuda Ali
Maqsoode "Hal Ataa" Hai Shahe Laa Fata Ali
Jiss Tarha Ek Zaate Muhammad Hai Be Misaal
Paida Hua Na Hoga Koi Doosra Ali
Bedam Yehi To Paanch Hai Maqsoode Kayenath

Gira...
Bedam Bas Yehi To Paanch Hai

Aa Mai Pate Ki Baat Bataun Ba Ghour Sun
Mushkil Pade To Thaamle Damaane Panjatan.

Bas Yehi To Paanch Hai Bedam.

Khuda Ke Noor Se Raushan Hue Hai Paancho Tan
Muhammad Aur Ali Fatima Hussaino Hasan.

Bas Yehi To Paanch Hai Bedam.

Idhar Aa Nehre Ishqe Panjatan Me Daalde Kashti
Jo Isme Doob Jaaye Uska Beda Paar Hota Hai

Bas Yehi To Paanch Hai Bedam.

Jab Ke Farmate Muhammad Qul Hu Allahu Ahad
Sunke Kehte The Ali Wash Shaan Allahus Samad
Lam Yalid Kehte Hasan Kehte Walam Yoolad Hussain
Fatima Kehtin Walam Yakullahu Kufuwan Ahad

Bas Yehi To Paanch Hai Bedam.

Maddahe Muhammad Hoon Haqiqe Yamani Hoon
Mai Sheftae Aale Rasoole Madani Hoon
Punjab Ka Punjabi Hoon Qismath Ka Dhani Hoon
Mai Panjatani Panjatani Panajtani Hoon.

Bas Yehi To Paanch Hai Bedam

Baaghe Jannat Pe Rasoole Azali Likha Hai
Daali Daali Pe Ali Aur Wali Likha Hai
Sabz Patton Par Hasan Aur Kali Par Zahra
Surkh Phoolon Pe Hussain Ibne Ali Likha Hai

Bedam Bas Yehi To Paanch Hain

Bedam Yehi To Paanch Hai Maqsoode Kayenath
Khairun Nisa Hussain -O- Hasan Mustafa Ali.

Maula Ali Maula Ali Maula Ali Maulaaa (Bhairav)

Chorus...

Raaze Khaibar Shikan Ali Maula
Saaya -E- Zulmanan Ali Maula.

Soz -O- Saaz -O- Sukhan Ali Maula
Mere Man Ki Lagan Ali Maula.

Shaahe Mardaan Hai Ali Maula
Shere Yazdaan Hai Ali Maula.

Deen Ko Jisne Noore Ayn Diya
Yaani Apna Jigar Hussain Diya.

Kab Idhar Se Udhar Se Milta Hai
Faiz Unki Nazar Se Milta Hai.

Maine Jab Bhi Unhe Pukara Hai
Ek Sada Aayi Tu Hamara Hai.
_______

Saahibe "Hal Ataa" Ali Maula
Saahibe "Innama" Ali Maula.

Dafaye Har Balaa Ali Maula
Mere Mushkil Kusha Ali Maula.
_______

Maula Ali Maula Ali Haq Da Imaam Ey
Mushkilan Da Hal Ali Murtaza Da Naam Ey.

Ali Asadullah Wajhullah Wali Rab Da
Ali De Waseele Bina Rab Naiyyo Lab Da.

Ali Taara Nabi Daa De Deen Da Usool Ey
Ali Nu Na Banne Jenda Nira Majhool Ey.

Ali Maula Ali Maula Haq Da Ailaan Ey
Mai Naiyyo Kehda Ye Nabi Da Farmaan Ey

Maula Mere Imaan Mere Peshwa Ali
Haq Ali Ali Ali Maula Ali Ali...
_______

Ali Ka Martaba Allahu Akbar
Khuda Ne Tegh Di Ahmad Ne Dukhdar
Jo Wo Binte Payambar Thin
To Ye Mauloode Kaaba The
Nabi Ke Ghar Ki Thi Beti
Khuda Ke Ghar Ka Tha Beta.

Girah Khatoone Jannat Iss Tarah Tasdeeq Paayi Thi
Ali Ka Haath Pakda Tha Khuda Se Lau Lagayi Thi
Jehez -E- Aqd Me Bas Ek Chakki Saath Aayi Thi
Magar Chakki Wo Chakki Thi Fida Jis Par Khudayi Thi.

Girah...
Wiladate Dame Isaa Jo Hazrate Mariyam
Ba Sooe Kaaba Gayi Jab Talashe Jaa Ke Liye
Nida Ye Ghaib Se Aayi Ke Bas Theher Jaao
Haram Azal Se Hai Maqsoos Murtaza Ke Liye.

Ye Sonchna Hi Abas Hai Kahan Kahan Hai Ali
Jahan Jahan Hai Haqiqath Wahan Wahan Hai Ali
Udhar Hai Zaate Muhammad Idhar Hai Zaate Khuda
Inhi Lateef Hijabon Ke Darmiyan Hai Ali.