Rasoole Paak Se Hain Faizyaab Maula Ali

Kaunain Ka Masjood Hai Mabood Hai Tu
Har Shai Teri Shahid Hai Ke Mash'hood Hai Tu
Har Ek Ke Lab Par Hai Teri Hamdo Sana
Har Soz Me Har Saaz Me Maujood Hai Tu.

Karam Jab Aale Nabi Ka Shareek Hota Hai
Bigad Bigad Ke Har Ek Kaam Theek Hota Hai
Duroode Aale Muhammad Ki Ye Fazilath Hai
Ke Laa Shareek Bhi Isme Shareek Hota Hai.

Baaghe Jannat Pe Rasoole Azali Likha Hai
Daali Daali Pe Ali Aur Wali Likha Hai
Sabz Patton Par Hasan Aur Kali Par Zahra
Surkh Phoolon Pe Hussain Ibne Ali Likha Hai

Jab Ke Farmate Muhammad Qul Huwallahu Ahad
Sunke Kehte The Ali Wash Shaan Allahus Samad
Lam Yalid Kehte Hasan Kehte Walam Yoolad Hussain
Fatima Kehtin Walam Yakullahu Kufuwan Ahad.

Ayn Wo Ayn Ibadath Ka Sar Anjaam Hua
Laam Wo Laam Ke Jis Laam Se Islaam Hua
Ye Se Yawar Hue Mushkil Me Har Ek Bande Ke
Mai Fida Naam Pe Kya Khoob Ali Naam Hua.
---------------------

Rasoole Paak Se Hain Faizyaab Maula Ali
Hain Shehre Ilm Muhammad To Baab Maula Ali.

Ali Ali Ali Ali Ali Ali Maula Ali Ali
Ali Ali Ali Ali Ali Ali Maula Ali Ali.

Girah...
Hath Phad Ke Nabi Ne Aakhiya Si
Man Kunto Maula Nahi Bhulna
Hor Saari Duniya Bhuljaana
Ek Haidar Maula Nahi Bhulna.

Yahan Wahan Kabhi Dekha Idhar Udhar Dekha
Ali Ali Nazar Aaye Jidhar Jidhar Dekha

Ye Sonchna Hi Abas Hai Kahan Kahan Hai Ali Ali
Jahan Jahan Hai Haqiqath Wahan Wahan Hai Ali
Idhar Hai Zaate Muhammad Udhar Hai Zaate Khuda
Inhi Lateef Hijabon Ke Darmiyaan Hai Ali.

Sher...
Ali Ali Ka Hai Charcha Zubaane Aalam Par
Khudayi Saari Ke Waaris Janab Maula Ali.

Janabe Zahra Ke Sartaaj Taaj Ummat Ka
Wafa -O- Mehr Ka Hai Aaftab Maula Ali.

Ali Ke Dam Se Shuja'at Ka Naam Zinda Hai
Kahan Kahan Pe Nahi Lajawab Maula Ali.

Girah...
Mazhare Noore Khuda Akse Payambar Hain Ali
Qasime Khuld Ali Saqiye Kausar Hain Ali
Haadi -O- Mehdi Ali Haidar -O- Safdar Hain Ali
Murtaza Shere Khuda Fatahe Khaibar Hain Ali.

Sher...
Wo Naam Jispe Farishte Padhe Duroodo Salaam
Wasi -E- Saahibe Ummul Kitaab Maula Ali.

Girah...
Dono Jahan Ke Andar Har Jaa Ali Ali Hai
Mera Wazifa Har Dam Maula Ali Ali Hai.

Sher...
Wo Jinke Naam Se Larzaan Hai Aaj Bhi Khaibar
Wo Zaate Paak Hain Jurrat Ma'ab Maula Ali.

Girah...
Har Qalb Ali Jism Ali Jaan Ali Hai
Mujh Besaro Samaan Ka Samaan Ali Hai
Imaan Ki Mutlashiya Imaan Ki Kehdoon
Imaan To Ye Hai Mera Imaan Ali Hai.

Sher...
Unhi Ke Dar Ka Bhikari Hai Ye Fareedi Bhi
Yadullah Jinka Laqab Hai Khitaab Maula Ali.