Ghame Hussain Khuda Sab Ko Sarfaraz Kare

Kalaam of Hazrath Badeshah Hussaini (Layeeq) R.a

Ghame Hussain Khuda Sab Ko Sarfaraz Kare
Yehi Wo Gham Hai Jo Har Gham Se Beniyaz Kare.

Zamana Fakhr Kare Kayenath Naaz Kare
Amal Se Phir Koi Paida Ye Imtiyaz Kare.

Bane Na Farq Jahan Koi Haq Wo Baatil Me
Har Uss Maqam Se Insaan Ehteraaz Kare.

Kisi Bhi Ehed Me Qudrath Pe Kiska Zor Chala
Wo Jise Chahe Use Aashnaye Raaz Kare.

Hussainiyath Jise Kahiye Wo Sab Ke Bas Ki Nahi
Khuda Ki Den Hai Wo Jisko Sarfaraz Kare.

Wo Sajda Sibte Nabi Ne Dikhadiya Jo Layeeq
Jabeen -E- Shouq Ko Shaista -E- Niyaaz Kare.