Huzoor Aisa Koi Intezaam Hojaye
Huzoor Aisa Koi Intezaam Hojaye
Kalaam of Syed Sabihuddin Rehmani Sahab
Huzoor Aisa Koi Intezaam Hojaye
Salaam Ke Liye Haazir Ghulam Hojaye.
Mai Sirf Dekhlun Ek Baar Subhe Taiba Ko
Balaa Se Phir Meri Duniya Me Shaam Hojaye.
Tajalliyaath Se Bhar Loon Mai Apna Kaasa -E- Jaan
Kabhi Jo Unki Gali Me Qayaam Hojaye.
Huzoor Aap Jo Sunlein To Baat Banjaaye
Huzoor Aap Jo Kehdein To Kaam Hojaye.
Mile Mujhe Bhi Zubaan -E- Busairi -O- Jaami
Mera Kalaam Bhi Maqbool -E- Aam Hojaye.
Naseeb Waalon Me Mera Bhi Naam Hojaye
Jo Zindagi Ki Madine Me Shaam Hojaye.
Huzoor Aap Jo Chahein To Kuch Nahi Mushkil
Simat Ke Faasla Ye Chand Gaam Hojaye.
Mai Shaad Shaad Marunga Agar Dame Aaqir
Naseeb Jalwa -E- Khairul Anaam Hojaye.
Maza To Jab Hai Farishte Ye Qabr Me Kehdein
Sabih Midhat -E- Khairul Anaam Hojaye.