Sunlo Aye Peeron Ke Peer, Ghouse -E- Aazam Dastageer

Sunlo Aye Peeron Ke Peer, Ghouse -E- Aazam Dastageer

Sunlo Aye Peeron Ke Peer, Ghouse -E- Aazam Dastageer
Badlo Meri Bhi Taqdeer, Ghouse -E- Aazam Dastageer.

Mai Hoon Tumhare Dar Ka Bhikari, Aye Shaahe Baghdad
Waasta Tumko Pyare Nabi Ka, Sunlo Meri Faryaad
Todo Gardish Ki Zanjeer Ghouse -E- Aazam Dastageer.

Dar Se Tum Ne Apne Kisi Mangte Ko Nahi Taala
Aale Nabi Ka Sadqa Tum Ne Jholi Me Daala
Bade Peer Be Nazeer Ghouse -E- Aazam Dastageer.

Ghouse Piya Jeelani Tumhari Shaan Pe Mai Qurbaan
Mai Bhi Tumhare Dar Pe Aaun, Dil Me Hai Armaan
De Do Khwabon Ki Tabeer, Ghouse -E- Aazam Dastageer.

Apni Mehfil Me Aakar Ab, Jalwa Sab Ko Dikhana
Qadri Saare Jhoom Rahe Hain, Sab Ke Bhaag Jagana
Aao Aye Peerane Peer, Ghouse -E- Aazam Dastageer.

Ghouse Piya Ye Adna Kamaal Ab, Apni Muraden Paaye
Dar Pe Tumhari Haazri De De, Aur Madine Jaaye
Kar Do Kuch Aisi Taqdeer, Ghouse -E- Aazam Dastageer.