Aastan Hai Ye Kis Shaahe Zeeshan Ka
Aastan Hai Ye Kis Shaahe Zeeshan Ka
Kalaam of Peer Naseer Uddin Naseer Sahab
Een Bargahe Hazrate Ghouse -Us- Saqalainast
Naqade Qamare Haidar -O- Nasle Hasanainast
Maadarsh Hussaini Nasabasto Kider E Oo
Aulaade Hasan Yaani Kareemul Abawainast
Allah Re Kya Bargahe Ghouse -E- Jali Hai
Gardan Ko Jhukaye Hue Ek Ek Wali Hai
Har Gaam Pe Sajde Ki Tamanna Hai Jabeen Ko
Ye Kiska Dare Naaz Hai Ye Kiski Gali Hai.
Aastan Hai Ye Kis Shaahe Zeeshan Ka, Marhaba Marhaba
Qalb Haibat Se Larzaan Hai Insan Ka, Marhaba Marhaba
Hai Asar Bazm Par Kiske Faizan Ka, Marhaba Marhaba
Ghar Basane Meri Chashme Veeran Ka, Marhaba Marhaba
Chand Nikla Hasan Ke Shabistan Ka, Marhaba Marhaba.
Sar Ki Zeenat Amamah Hai Irfan Ka, Marhaba Marhaba
Jhubba Tan Par Muhammad Ke Ehsan Ka, Marhaba Marhaba
Rang Aankhon Me Zahra Ke Faizan Ka, Marhaba Marhaba
Roop Chehre Pe Aayate Quran Ka, Marhaba Marhaba
Saj Ke Baitha Hai Naushah Jeelan Ka, Marhaba Marhaba.
Bazme Kauno Makan Ko Sajaya Gaya, Aaj Salle Alaa
Saiban Rehmaton Ka Lagaya Gaya, Aaj Salle Alaa
Ambiya Auliya Ko Bulaya Gaya, Aaj Salle Alaa
Ibne Zahra Ko Dulha Banaya Gaya, Aaj Salle Alaa
Urs Hai Aaj Mahboobe Subhan Ka, Marhaba Marhaba.
Aasman Manzilat Kiska Aiwaan Hai, Waah Kya Shaan Hai
Aaj Khalqe Khuda Kiski Mehmaan Hai, Waah Kya Shaan Hai
Laa Takhaf Kiska Mashoor Farmaan Hai, Waah Kya Shaan Hai
Bil Yaqeen Wo Shahinshahe Jeelan Hai, Waah Kya Shaan Hai
Haq Diya Jisko Qudrat Ne Ailaan Ka, Marhaba Marhaba.
Har Taraf Aaj Rehmat Ki Barsaat Hai, Waah Kya Baat Hai
Aaj Khulne Pe Kufle Muhimmaat Hai, Waah Kya Baat Hai
Chaarsu Jalwa Aaraiye Zaat Waah Kya Baat Hai
Koi Bharne Pe Kashkole Hajaat Hai, Waah Kya Baat Hai
Jaagne Ko Muqaddar Hai Insaan Ka, Marhaba Marhaba.
Shamme Tauheed Dil Me Jala Kar Piyo, Dil Laga Kar Piyo
Shahe Batha Ki Khairat Paa Kar Piyo, Dil Laga Kar Piyo
Aankh Mehre Ali Se Mila Kar Piyo, Dil Laga Kar Piyo
Khud Pilane Pe Saaqi Hai Jeelan Ka, Marhaba Marhaba.
Hai Ajab Husn Ka Bankpan Saamne, Ek Chaman Saamne
Ahle Tatheer Hai Khaimazan Saamne, Panjatan Saamne
Hai Ye Rooe Hasan Ki Phaban Saamne, Ya Hasan Saamne
Jalwa Farma Hai Ghouse -E- Zaman Saamne, Zaufigan Saamne
Dekhiye Kya Bane Chashme Hairan Ka, Marhaba Marhaba.
Gulshane Mustafa Ki Phaban Aur Hai, Ye Chaman Aur Hai
Saahe Abraar Ki Anjuman Aur Hai, Ye Chaman Aur Hai
Booe Guldastae Panjatan Aur Hai, Ye Chaman Aur Hai
Shaane Aale Hussain -O- Hasan Aur Hai, Ye Chaman Aur Hai
Sarmadi Rang Hai Iss Gulistan Ka, Marhaba Marhaba.
Shaahe Jeelan Ki Choukhat Salamat Rahe, Taa Qayamat Rahe
Naqshe Paa Ka Chaman Pur Karamat Rahe, Taa Qayamat Rahe
Khal'ate Ijteba Zebe Qaamat Rahe, Taa Qayamat Rahe
Sar Pe Waliyon Ka Taaje Imamat Rahe, Taa Qayamat Rahe
Silsila Ghouse -E- Aazam Ke Faizan Ka, Marhaba Marhaba.
Mazhare Zaate Rabbe Qadeer Aap Hain, Dastageer Aap Hain
Karwane Karam Ke Ameer Aap Hain, Dastageer Aap Hain
Shaahe Baghdad Peerane Peer Aap Hain, Dastageer Aap Hain,
Iss Naseere Hazeen Ke Naseer Aap Hain, Dastageer Aap Hain,
Koi Hamsar Nahi Aapki Shaan Ka, Marhaba Marhaba.
Koi Mehwe Fughan Koi Khamosh Hai, Ab Kise Hosh Hai
Saaze Mutrib Ke Lay Naghme Bardosh Hai, Ab Kise Hosh Hai
Aql Hairath Ki Parde Me Rooposh Hai, Ab Kise Hosh Hai
Bazm Ki Bazm Masti Dar Aaghosh Hai, Ab Kise Hosh Hai
Pee Ke Saghar Ali Ke Khumistaan Ka, Marhaba Marhaba.
Kya Haseen Manzare Joodo Ikraam Hai, Dawate Aam Hai
Ahle Dil Ki Nazar Masti Aashaam Hai, Dawate Aam Hai
Hashr Tak Muddate Gardishe Jaam Hai, Dawate Aam Hai
Daste Jibreel Masroofe It'aam Hai, Dawate Aam Hai
Khaao Sadqa Ali Shaahe Mardaan Ka, Marhaba Marhaba.
Faqr Ki Saltanat Turfe Samaan Hai, Rehmath Aiwaan Hai
Iss Ke Zere Nageen Qalbe Insaan Hai, Ijz Unwaan Hai
Kiska Daste Nazar Kaase Gardaan Hai, Aql Hairaan Hai
Ek Wali Zebe Aurange Irfaan Hai, Waah Kya Shaan Hai
Sar Jhuke Hain Yahan Meer -O- Sultaan Ka, Marhaba Marhaba.
Har Ghadi Meherbaan Zaate Baari Rahe, Faiz Jaari Rahe
Khaak Bosi Pe Baade Bahaari Rahe, Faiz Jaari Rahe
Aalame Kaif Me Bazm Saari Rahe, Faiz Jaari Rahe
Bekhudi Tere Maston Pe Taari Rahe, Faiz Jaari Rahe
Mae Barasta Rahe Tere Ehsaan Ka, Marhaba Marhaba.
Arshe Asraar Tak Jiski Parwaaz Hai, Turfe Andaaz Hai
Ilme Lahoot Ka Haasil Aizaaz Hai, Turfe Andaaz Hai
Zuhd -O- Taqwa Me Yakta -O- Mumtaz Hai, Turfe Andaaz Hai
Aabroo -E- Chaman Qaamate Naaz, Hai Turfe Andaaz Haiq
Peer Mehre Ali Qutbe Dauraan Ka, Marhaba Marhaba.
Golde Ki Zameen Kitni Mas'ood Hai, Khittaye Jood Hai
Ibne Maula Ali Jisme Maujood Hai, Khittaye Jood Hai
Kya Haseen Manzare Shaane Mabood Hai, Khittaye Jood Hai
Har Ayaaz Iska Hamroshe Mahmood Hai, Khittaye Jood Hai
Aouj Paaya Hai Birjees -O- Kaiwaan Ka, Marhaba Marhaba.
Tere Deewane Haazir Hai Sarkar Me, Aaj Darbar Me
Sar Jhukaye Janabe Guharbaar Me, Aaj Darbar Me
Ban Ke Saail Teri Bazme Anwaar Me, Aaj Darbar Me
Yousuf -E- Misre Dil Tere Bazaar Me, Aaj Darbar Me
Jashn Hai Kya Dil Afroz Irfaan Ka, Marhaba Marhaba.
Darbadar Muft Ki Thokarein Khayen Kyun, Haath Phailayen Kyun
Maangne Kooe Aghyaar Me Jaayen Kyun, Haath Phailayen Kyun
Uske Namoose Ghairat Pe Harf Aaye Kyun, Haath Phailayen Kyun
Dil Qana'at Ki Zau Se Na Chamkayein Kyun, Haath Phailayen Kyun
Jo Namak Khwaar Hai Peere Peeran Ka, Marhaba Marhaba.
Warise Khatamul Mursaleen Aap Hain, Bil Yaqeen Aap Hain
Qasre Zahra Ka Naqshe Haseen Aap Hain, Bil Yaqeen Aap Hain
Deene Bar Haq Ke Mohi -O- Moin Aap Hain, Bil Yaqeen Aap Hain
Bazme Irfaan Ke Masnad Nasheen Aap Hain, Bil Yaqeen Aap Hain
Har Wali Tifl Hai Iss Dabistaan Ka, Marhaba Marhaba.