Hasbi Rabbi Jallallah

Kalaam of Shajar Ali Madaari Sahab

Hasbi Rabbi Jallallah, Maafi Qalbi Ghairullah
Noore Muhammad Sallallah, Laa Ilaaha Illallah.

Tere Sadqe Me Aaqa, Saare Jahan Ko Deen Mila
Be Deenon Ne Kalma Padha, Laa Ilaaha Illallah.

Simte Nabi Bu Jahal Gaya, Aaqa Se Usne Ye Kaha
Gar Ho Nabi Batlao Zara, Meri Mutthi Me Hai Kya
Aaqa Ka Farman Hua, Aur Fazle Rehman Hua
Mutthi Se Patthar Bola, Laa Ilaaha Illallah.

Wo Jo Bilaale Habshi Hai, Sarware Deen Ka Pyara Hai
Duniya Ke Har Aashiq Ki, Aankhon Ka Wo Taara Hai
Zulm Hue Kitne Uspar, Seene Pe Rakha Patthar
Phir Bhi Zubaan Pe Jaari Tha, Laa Ilaaha Illallah.

Apni Behen Se Bole Umar, Ye To Bata Kya Karti Thi
Mere Aane Se Pehle Kya, Chupke Chupke Padhti Thi
Behen Ne Jab Quran Padha, Sunke Kalaame Paake Khuda
Dil Ye Umar Ka Bol Utha, Laa Ilaaha Illallah.

Duniya Ke Insaan Sabhi, Shirko Bid'at Karte The
Rab Ke The Bande Phir Bhi, Buth Ki Ibaadat Karte The
Buth Khaane Hai Tharraye, Mere Nabi Hai Jab Aaye
Kehne Lagi Maqlooqe Khuda, Laa Ilaha Illallah.

Gulshan Kalma Padhte Hain, Chidiya Kalma Padhti Hai
Duniya Ki Maqlooq Sabhi, Zikr Khuda Ka Karti Hai
Kehte Sabhi Hain Jinno Bashar, Kehta Shajar Hai Kehta Hajar
Kehta Hai Patta Patta, Laa Ilaaha Illallah.