Kya Gham Meri Madad Pe Agar Ghouse -E- Paak Hain

Kya Gham Meri Madad Pe Agar Ghouse -E- Paak Hain
Allah Bhi Udhar Hai Jidhar Ghouse -E- Paak Hain.

Haami Mere Shafeeq Mere Dadaras Mere
Hain Uss Taraf Nabi To Idhar Ghouse -E- Paak Hain.

Kardenge Doobti Hui Kashti Ko Meri Paar
Baandhe Hue Madad Pe Kamar Ghouse -E- Paak Hain.

Khatka Nahin hai Kuch Mujhe Aafat -E- Dahr Ka
Aaye Koi Balaa To Sipar Ghouse -E- Paak Hain.

Iss Naam Se Kaleje Me Thandak Na Kyun Pade
Marham Baraaye Zakhm -E- Jigar Ghouse -E- Paak Hain.

Shar'ee Muhammadi Ki Hai Raunaq Huzoor Se
Sar Sabze Naqle Deen Ke Samar Ghouse -E- Paak Hain.

Dariya -E- Be Kinaare Wilayath Me Aasman
Misle Sadaf Hai Usme Guhr Ghouse -E- Paak Hain.

Hai Kaun Jo Muti'ee Nahin Dil Se Aapka
Farmarawa -E- Jinno Bashar Ghouse -E- Paak Hain.

Parda Nahin Jo Koi Nahin Qadrwaan Ameer
Sad Shukr Qadrwaane Hunar Ghouse -E- Paak Hain.