Hai Kalaame Ilaahi Me Shamsuz Zuha

Kalaam of Ahmed Raza Khan Sahab R.a

Hai Kalaame Ilaahi Me Shamsuz Zuha
Tere Chehraye Noore Fiza Ki Qasam
Qasam -E- Shabe Taar Me Raaz Ye Tha
Ke Habeeb Ki Zulfe Dotaa Ki Qasam.

Tere Khulq Ko Haq Ne Azeem Kaha
Tere Khalq Ko Haq Ne Jameel Kiya
Koi Tujhsa Hua Hai Na Hoga Shaha
Tere Khaaliq -E- Husn -O- Adaa Ki Qasam.

Wo Khuda Ne Hai Martaba Tujhko Diya
Na Kisi Ko Mile Na Kisi Ko Mila
Ke Kalaam -E- Majeed Ne Khaayi Shaha
Tere Shehr -O- Kalaam -O- Baqa Ki Qasam.

Tera Masnad -E- Naaz Hai Arshe Bareen
Tera Mehram Raaz Hai Roohe Ameen
Tuhi Sarwar -E- Har Do Jahan Hai Shaha
Tera Misl Nahi Hai Khuda Ki Qasam.

Yehi Arz Hai Khaaliq -E- Arzo Sama
Wo Rasool Hain Tere Mai Banda Tera
Mujhe Unke Jawaar Me De Wo Jagah
Ke Hai Khuld Ko Jiski Safa Ki Qasam.

Tuhi Bandon Pe Karta Hai Lutf -O- Ataa
Hai Tujhe Pe Bharosa Tujhi Se Dua
Mujhe Jalwa -E- Paak -E- Rasool Dikha
Tujhe Apne Hi Izzo Alaa Ki Qasam.

Mere Garche Gunah Hain Had Se Siwa
Magar Inse Ummeed Hai Tujhse Riza
Tu Raheem Hai Unka Karam Hai Gawah
Wo Kareem Hai Teri Ataa Ki Qasam.

Yehi Kehti Hai Bulbule Baaghe Jinaan
Ke Raza Ki Tarah Koi Sehr Bayaan
Nahi Hind Me Waasif -E- Shaahe Huda
Mujhe Shauqiye Tab'e Raza Ki Qasam.