Muhammad Ke Sheher Me

Jab Mera Jazbe Junoon Aouj Ka Zeena Hoga
Phailne Aur Simatne Ka Qareena Hoga
Ya Madine Me Samajayegi Saari Duniya
Ya Zamane Me Madina Hi Madina Hoga.

Ya Nabi Aapke Jalwon Me Wo Ranayi Hai
Dekhne Par Bhi Meri Aankh Tamannayi Hai
Haq Ta'ala Bhi Kareem Aur Muhammad Bhi Kareem
Do Kareemon Me Gunahgar Ki Ban Aayi Hai.

Muhammad Ke Sheher Me. (x4)

Kyun Aake Roraha Hai Muhammad Ke Sheher Me
Har Dard Ki Dawa Hai Muhammad Ke Sheher Me.

Gira...
Dukh Dard -O- Alam Gham Kat'te Hain
Hasnain Ke Sadqe Bat'te Hain.

Muhammad Ke Sheher Me. (x4)

Kuch Aisi Bheed Lag Jaati Hai Shahe Deen Ke Rauze Par
Hawa Ko Raasta Mushkil Se Milta Hai
Muhammad Ke Sheher Me.

Chorus...

Ghamon Se Jab Bhi Tabiyat Malool Hoti Hai
To Shaad Kaam Ba Naame Rasool Hoti Hai
Ho Jis Dua Me Muhammad Ka Wasta Shamil
Huzoor -E- Haq Wo Yaqeenan Qubool Hoti Hai.

Chorus...

Hawayen Bhi Adab Ke Saath Chalti Hain
Muhammad Ke Sheher Me.

Chorus...

Haath Me Tasbi Baghal Me Musalla
Lab Pe Jaari Allah Allah
Kehti Hui Pohonchi Baitullah
Aur Pukaari Aye Mere Allah
Tu Gada Ko Jo Nawaze To Shahinshah Bane
Aur Yateemon Ko Jo Chahe To Payambar Karde
Aye Mere Allah.

{To Aawaz Aayi}

Mere Parde Me Wehdat Ke Siwa Kya Hai
Jaa Jo Tujhe Lena Hai Le Muhammad Ke Sheher Me.

Chorus...

Mere Baare Me Kuch Irshaad Kiya Jayega
Dile Nashaad Ko Phir Shaad Kiya Jayega
Mai Ye Umeed Lagaye Hue Baitha Hoon Huzoor
Ek Baar Aur Mujhe Yaad Kiya Jayega.

Chorus...

Aao Gunahgaron Chalo Sar Ke Bal Chalen

Chalo Sar Ke Bal Chalen. (x4)

Wahan Sar Jhukate Hain Auliya
Wahan Paaun Rakhna Rawa Nahi

Chalo Sar Ke Bal Chalen. (x4)

Nazaan Hai Jispe Husn Ba Husne Rasool Hai
Ye Kehkashan To Aapke Qadmon Ki Dhool Hai
Aye Rehrawan -E- Shouq
Chalo Sar Ke Bal Chalen...

Chorus...

Begana -E- Irfaan Ko Haqiqat Ki Khabar Kya
Jo Aapse Waqif Na Ho Wo Ahle Nazar Kya
Manzoor -E- Nazar Kaun Hua Iski Qabar Kya
Wo Fazl Pe Aajaye To Phir Aib -O- Hunar Kya
Kamil Ko Dare Yaar Ke Sajdon Se Na Roko
Qurban Jahan Dil Ho Wahan Kheemat -E- Sar Kya.

Chorus...

Sher...
Aao Gunahgaron Chalo Sar Ke Bal Chalen
Tauba Ka Dar Khula Hai Muhammad Ke Sheher Me.

Qadmon Ne Unke Khaak Ko Kundan Bana Diya

Gira...
Teri Nigah Se Zarre Bhi Mehromaah Bane
Gada -E- Besaro Samaan Jahan Panaah Bane
Huzoor Hi Ke Karam Ne Mujhe Tasalli Di
Huzoor Hi Mere Gham Me Meri Panaah Bane
Zamana Wajd Kunah Ab Bhi Unke Tauq Me Hai
Jo Koh -O- Dasht Kabhi Teri Jalwa Gaah Bane
Wohi Maqaam Muhabbat Ki Jalwa Gaah Bane
Jahan Jahan Se Wo Guzre Jahan Jahan Pohonche.

Sher...
Qadmon Ne Unke Khaak Ko Kundan Banadiya
Mitti Bhi Keemiya Hai Muhammad Ke Sheher Me.

Sadqa Luta Raha Hai Khuda Unke Naam Ka
Sona Nikal Raha Hai Muhammad Ke Sheher Me.

Chorus...

Sab To Jhuke Hain Khana -E- Kaaba Ke Saamne

Gira...
Hajiyon Aao Shahinshah Ka Rauza Dekho
Kaaba To Dekh Chuke Kaabe Ka Kaaba Dekho

Madina Wo Hai Ke Kaaba Bhi Sajda Karta Hai
Kaaba Khud Taiba Ki Janib Jhukta Lagta Hai
Kaabe Ka Kaaba Sarkar Ka Rauza Lagta Hai
Phool Gulaab Ka Aapke Chehre Jaisa Lagta Hai
Aur Chamakta Chand Nabi Ka Talwa Lagta Hai.

Sher...
Sab To Jhuke Khana -E- Kaabe Ke Saamne
Kaaba Jhuka Hua Hai Muhammad Ke Sheher Me.

Chorus...

Saaya Nahi Hai Gumbade Khazra Ka Aaj Bhi

Gira...
Khincha Kuch Is Nirali Shaan Se Naqsha Muhammad Ka
Ke Naq'qashe Azal Bhi Hogaya Shaida Muhammad Ka
Koi Kya Dekhta Aqs -E- Qad -E- Waala Muhammad Ka
Sarapa Noor Tha Wo Qaamat -E- Zeba Muhammad Ka
Kisi Baais Nazar Aata Na Tha Saaya Muhammad Ka.

Saaya Nahi Hai Gumbade Khazra Ka Aaj Bhi...

Gira...
Mai Tujhe Aalame Ashiya Me Bhi Paa Leta Hoon
Log Kehte Hain Ke Aalam -E- Baala Tera
Ek Baar Aur Abhi Yasrab Se Falasteen Bhi Aa
Raasta Dekhti Hai Masjide Aqsa Tera
Toor -E- Qadse Me Khada Hoon Ye Karam Hai Tera
Mujhko Jhukne Nahi Deta Hai Sahara Tera
Log Kehte Hain Ke Saaya Tere Paikar Ka Na Tha
Mai To Kehta Hoon Jahan Bhar Pe Hai Saaya Tera

Yahan Tak Shouq -E- Deedare Nabu Tha Haq Ta'ala Ko
Une Bheja Yahan Wahan Rakhliya Saaya.

Sher...
Saaya Nahi Hai Gumbade Khazra Ka Aaj Bhi
Zinda Ye Moujza Hai Muhammad Ke Sheher Me.

Dhoonda Khuda Ko Dhoondne Waalon Ne Har Jagah
Lekin Khuda Mila Hai Muhammad Ke Sheher Me.

Gira...
Khuda Azal Hua Aisa Mubtala -E- Rasool
Ke Kayenath Ko Paida Kiya Baraye Rasool
Dilon Ko Bhagayi Kuch Iss Tarah Adaa -E- Rasool
Ke Jaano Dil Se Sahaba Hue Fida -E- Rasool
Dilo Nigah Ki Duniya Pe Aise Chaaye Rasool
Ke Kayenath Ke Har Shai Pe Jagmagaye Rasool
Agar Huzoor Na Hote To Kuch Nahi Hota
Ye Kayenath Banayi Gayi Baraye Rasool
Maloon Jabeen Pe Basaun Mai Apni Aankhon Me
Mile Naseeb Se Mujhko Jo Khaake Paaye Rasool.

Muhammad Ke Sheher Me. (x4)

Gira...
Baabe Asar Khula Hai Muhammad Ke Sheher Me
Maqbool Har Dua Hai Muhammad Ke Sheher Me
Khushiyon Ka Dar Khula Hai Muhammad Ke Sheher Me
Kyun Ghamzada Khada Hai Muhammad Ke Sheher Me
Dhoka Fareb Jhoot Dagha Aur Kalaame Bad
Koi Na Jaanta Hai Muhammad Ke Sheher Me.

Sher...
Behre Salaam Aate Hain Har Dam Malaika
Jaari Ye Silsila Hai Muhammad Ke Sheher Me.

Gira...
Har Subha Khushnuma Hai Muhammad Ke Sheher Me
Har Shaam Dilruba Hai Muhammad Ke Sheher Me
Dil Ka Sukoon Rooh Ki Taskeen Nazar Ka Noor
Bikhra Hua Pada Hai Muhammad Ke Sheher Me
Allah Re Ye Masjide Nabawi Ki Raunaqen
Jannat Ka Dar Khula Hai Muhammad Ke Sheher Me
Har Zaqm Ke Liye Yahan Marham Hai Dastiyab
Har Dard Ki Dawa Hai Muhammad Ke Sheher Me
Iss Sar Zameen Ke Khaar Bhi Phoolon Se Kam Nahi
Kaanta Bhi Gumnuma Hai Muhammad Ke Sheher Me
Duniya Me Usne Dekhli Jannat Ba Chashme Khud
Jo Rehke Aagaya Hai Muhammad Ke Sheher Me.

Sher...
Shehre Nabi Ki Had Ka Ta'aiyyun Mahaal Hai
Aalam Basa Hua Muhammad Ke Sheher Me.

Gira...
Be Parda Sab Ke Saamne Chamka Khuda Ka Noor
Bu Jehl Phir Bhi Dekh Na Paaya Khuda Ka Noor
Arshe Bareen Se Kam Nahi Taiba Ki Sar Zameen
Khud Jiski God Me Simat Aaya Khuda Ka Noor
Tareeq Kya Bayaan Ho Jamaale Rasool Ki
Shakle Bashar Me Wo Hai Sarapa Khuda Ka Noor

Aye Raaz Tu To Hind Me Maujood Hai Magar
Bhi Naat Padraha Hai Muhammad Ke Sheher Me
Mai Kya Kahun Ke Kya Hai Muhammad Ke Sheher Me
Be Parda Khud Khuda Hai Muhammad Ke Sheher Me

Sher...
Aslam Wo Din Bhi Aaye Ke Sab Log Ye Kahe
Bismil Bhi Jaraha Hai Muhammad Ke Sheher Me...