Mera Badshah Hussain Hai

Mera Badshah Hussain Hai

Insaniyat Ko Haq Ka Ishara Hussain Hai
Kausar Hai Jiske Zere Ijara Hussain Hai
Samjho Na Sirf Isme Shaheeden Rahe Wafa
Ta Hashr Hurriyat Ka Irada Hussain Hai.

Na Poochiye Ke Kya Hussain Hai
Mera Badshah Hussain Hai.

Aman Ka Mehr -O- Maah Bhi
Wo Shaahon Ka Hai Shaah Bhi
Aisa Shahinshah Hussain Hai.

Khuda Ke Deen Ka Na Khuda
Har Ibteda Ki Ibteda
Karam Ki Inteha Hussain Hai.

Suno Suno Ye Deen To Hussain Ka Inaam Hai
Ye Baat Kis Qadar Hasebbben Jo Kehgaye Moinuddin
Deen Ki Panah Hussain Hai.

Kare Koi Jo Hamsareen Kisi Ki Kya Majaal Hai
Jahan Me Har Lehaaz Se Hussain Be Misaal Hai
Ye Ho Chuka Hai Faisla Na Koi Doosra Khuda
Na Koi Doosra Hussain Hai.

Fanaa Ke Baad Phir Mujhe Nayi Hayaat Milgayi
Azaab Se Itaab Se Mujhe Najaat Milgayi
Sawaal Jab Kiya Gaya Hai Kaun Tera Peshwa
To Maine Kehdiya Hussain Hai.

Hai Jiski Fikr Karbala Hussain Wo Dimagh Hai
Ye Panjatan Ki Anjuman Ka Panchwa Charagh Hai
Hasan Ka Pehla Hamsafar Ali Ka Doosra Pisar
Imaam Teesra Hussain Hai.

Aaaaa Shaam Par Nigah Ki To Hurr Banadiya
Jo Mar Rahe The Unko Zindagi Ka Gun Sikhadiya
WThi Maut Har Taraf Jahan Khula Ye Raaz Bhi Wahan
Hayath Bant'ta Hussain Hai.

Hidayath -E- Hussain Par Amal Karo Aye Mominon
Rahenge Ham Bahisht Me Yaqeen Rakho Aye Mominon
Khubool Hogi Har Dua Kisi Se Kyun Daren Bhala
Hamara Waasta Hussain Hai.

Duaon Me Nidaon Me Jo Wasta Banayega
Bahisht Ki Wo Raahon Ka Jo Raasta Banayega
Na Waaste Me Tod Hai Na Raaste Me Mod Hai
Aisa Raasta Hussain Hai.

Maidane Dashte Karbala Ulatne Fauje Ashqiya
Badha Jo Shahe Karbala Uthi Jo Tegh -E- Lafata
Lagi Jo Sar Utaarne Kaha Ye Zulfiqar Ne
Ghazab Ka Soorma Hussain Hai.

Mera Yehi Sukoon Hai Ye Meri Izzo Shaan Hai
Ye Mujhse Hai Mai Is Se Hoon Ye Mera Jism -O- Jaan Hai
Rasoole Haq Hain Kehrahe, Sune Ye Har Koi Sune
Mera Ataa Pata Hussain Hai.

Shaheede Karbala Ka Gham Jise Bhi Na Gawaar Hai
Jo Bad Nasal Hai Bad Nasab Inhi Me Ye Shumaar Hai
Are O Munkire Azaa Tu Mar Zara Qabar Me Jaa
Pata Chalega Kya Hussain Hai.

Karoge Gar Muqalifat Ghame Hussain Ki Yahan
Wo Hashr Hoga Hashr Me Ke Al Hafeezu Al Ama
Jahan Bhi Chupne Jaaoge Kahin Bhi Chup Na Paoge
Ke Har Jagah Mera Hussain Hai.

Nawazishat Dekhiye Kisi Ko Baqshdi Sahar
Kisi Ko Banon Par Diye Kisi Ko Dediye Pisar
Pukari Banda Parwari Lughat Me Ahle Ishq Ki
Madad Ka Tarjuma Hussain Hai.