Koi Misl Mustafa Ka Kabhi Tha Na Hai

Kalaam of Syed Sabihuddin Rehmani Sahab

Koi Misl Mustafa Ka
Kabhi Tha Na Hai Na Hoga
Kisi Aur Ka Ye Rutba
Kabhi Tha Na Hai Na Hoga.
Unhe Qalq Karke Nazaan
Hua Khud Hi Daste Qudrat
Koi Shahkar Aisa
Kabhi Tha Na Hai Na Hoga.
Mere Taaqe Jaame Nisbath
Ke Charagh Jal Rahe Hain
Mujhe Khauf Teergi Ka
Kabhi Tha Na Hai Na Hoga.
Kisi Wehm Ne Sada Di
Koi Aapka Mumasir
To Yaqeen Pukaar Utha
Kabhi Tha Na Hai Na Hoga.
Mere Damane Talab Ko
Hai Unhi Ke Dar Se Nisbath
Kisi Aur Dar Se Rishta
Kabhi Tha Na Hai Na Hoga.
Sare Hashr Unki Rehmat
Ka Sabih Mai Hoon Talib
Mujhe Kuch Amal Ka Daawa
Kabhi Tha Na Hai Na Hoga.