Roohe Shabbir Wo Manzar To Bata

Roohe Shabbir Wo Manzar To Bata

Roohe Shabbir Wo Manzar To Bata
Jab Hui Shehre Madina Se Judai Hogi
Ye To Zainab Hi Bata Saktin Hain
Laut Kar Kaise Madine Me Wo Aayi Hogi.

Karke Rauze Ki Taraf Chehra Ye Bole Shabbir
Ham Rahein Ya Na Rahein Nana Huzoor
Hashr Tak Aapki Ummat Ki Bhalai Hogi.

Laash Akbar Ki Utha Laaye Jo Khaimon Me Hussain
Shehar Banu Hi Bata Saktin Hain
Kis Ghazab Ki Wo Qayamath Thi Jo Tooti Hogi.

Jalte Khaimon Me Jhulasti Hui Sughra Masoom
Aye Falak Tu Ne Ye Kaise Dekha
Turbate Zahra Madine Me Dehelti Hogi.

Rakhke Lashon Ko Kinaron Me Ye Bole Shabbir
Tu Jo Raazi Hai To Ham Raazi Hain
Sar -E- Tasleem Ke Teri Yehi Marzi Hogi.

Hoke Taiyar Chale Shah Jo Karbal Ki Taraf
Ye Sakina Ko Koi Jaa Dekhe
Kis Tarah Ghode Ki Taangon Se Wo Lipti Hogi.
Noor Ko Hashr Me Rakhna Hai Sagon Me Shabbir
Teri Raahon Me Pada Hoga Kahin
Aas Ek Nazre Inayaath Ki Lagayi Hogi.