Bayan Kaise Karun Mai Bhala Maqam -E- Hussain

Bayan Kaise Karun Mai Bhala Maqam -E- Hussain
Suna Hai Khuld Me Bhi Hoga Intezam -E- Hussain.

Ye Unki Shaan -E- Imamat Nahi To Phir Kya Hai
Yazeediyon Ne Kaha Khud Unhe Imaam -E- Hussain.

Farishton Choomlo Tehreer Ko Meri Aakar
Likha Hai Pyaas Se Paani Me Maine Naam -E- Hussain.

Bula Ke Kaanse Me Apne Anaa Ke Sagar Ko
Mita Raha Hai Anaa Ki Anaa Ghulam -E- Hussain.

Bithake Ke Pusht Pe Sarkar Ne Nawase Ko
Zamane Bhar Se Kaha Ye Hai Ehteram -E- Hussain.

Laraz Ke Bole Yazeedi Khitab -E- Zainab Par
Kalaam -E- Bint -E- Ali Hai Ke Hai Kalaam -E- Hussain.

Wo Shaane Quwwat -E- Haidar Ki Noor Karbal Me
Ke Zulfiqar -E- Ali Ko Mili Niaam -E- Hussain.