Apne Damaane Shafa'at Me Chupaye Rakhna

Kalaam of Khalid Mehmood Khalid Sahab

Apne Damaane Shafa'at Me Chupaye Rakhna
Mere Sarkar Meri Baat Banaaye Rakhna.

Jab Sawa Neze Pe Khursheed Qayamath Aaye
Apni Zulfon Ke Gunahgaar Pe Saaye Rakhna.

Aap Yaad Aaye To Phir Yaad Na Aaye Koi
Ghair Ki Yaad Mere Dil Se Bhulaye Rakhna.

Isi Mansab Ka Talabgar Hoon Mai Bhi Aaqa
Khaak Hoon Mai Mujhe Qadmon Se Lagaye Rakhna.

Unke Hojao Har Ek Cheez Unhi Se Maango
Apne Daman Me Na Ehsaan Paraaye Rakhna.

Mai Ne Maana Ke Nikamma Hoon Magar Aapka Hoon
Iss Nikamme Ko Bhi Sarkar Nibhaye Rakhna.

Shayad Iss Raah Se Khalid Mere Aaqa Guzre
Apni Palkon Ko Sare Raah Bichaye Rakhna.