Tat'heer Ki Chadar Me Ali Hai
Tat'heer Ki Chadar Me Ali Hai
Tat'heer Ki Chadar Me Ali Hai Ke Nahi Hai
Sach Kahiye Bade Ghar Me Ali Hai Ke Nahi Hai.
As'haabe Payambar Me Ali Hai Ke Nahi Hai
Allah Ke Lashkar Me Ali Hai Ke Nahi Hai.
Har Razm Ka Hero Hai Wo Khaibar Ho Ke Khandaq
Har Fatha Ke Manzar Me Ali Hai Ke Nahi Hai.
Go Teen Khalifa Hain Ali Saeen Se Pehle
Teenon Ke Barabar Me Ali Hai Ke Nahi Hai.
Mat Dekh Me Ghar Me Na Sona Hai Na Chaandi
Ye Dekh Mere Ghar Me Ali Hai Ke Nahi Hai.
Ye Khoone Taharat Hai Ise Aur Tarah Dekh
Shabbir Me Shabbar Me Ali Hai Ke Nahi Hai.
Maulayi Khabeela Hai Muhabbat Ka Waseela
Salman -O- Abuzar Me Ali Hai Ke Nahi Hai.
Marwand Ke Usman Ki Parwaaz Me Dekho
Shahbaze Qalandar Me Ali Hai Ke Nahi Hai.
Akbar Hon Ke Asghar Hon Ke Abbas Hon Naadir
Karbal Ke Bahattar Me Ali Hai Ke Nahi Hai.