Nabi Ke Nawase Hussain Ibne Haidar

Nabi Ke Nawase Hussain Ibne Haidar
Ladakpan Ka Waada Nibhane Chale Hain
Sooe Karbala Wo Bahattar Ko Lekar
Raza -E- Khuda Sar Katane Chale Hain.

Wo Dul Dul Pe Dekho Shahadat Ki Dhun Me
Chale Tegh Lekar Ke Shere Khuda Ki
Akele Wo Ran Ki Taraf Allah Allah
Laeenon Ki Hasti Mitaane Chale Hain.

Wo Ghar Se Nikal Kar Madine Ke Bahar
Khade Kehrahe Hain Ye Zahra Ke Jaani
Laeenon Se Kehdo Ke Ummat Ki Khaatir
Hussain Apne Ghar Ko Mitaane Chale Hain.

Jidhar Dekhiye Maut Ka Hai Andhera
Ye Ro Ro Ke Kehta Hai Dil Aaj Mera
Hazaaron Ke Narghe Me Shabbir Tanha
Lahu Apne Dil Ka Bahane Chale Hain.

Ateeq Ibne Haidar Ke Seene Me Gham Hai
Jabhi Farhan Meri Aankhon Me Nam Hai
Wo Zahra Ke Pyaare Ali Ke Dulaare
Hai Waqte Asar Sar Jhukane Chale Hain.