Baqshish Ko Laazmi Hai Zamanat Rasool Ki

Baqshish Ko Laazmi Hai Zamanat Rasool Ki
Hai Do Jahan Me Hamko Zaroorat Rasool Ki.

Pehle Basao Dil Me Muhabbat Rasool Ki
Phir Dekho Dil Ki Aankh Se Soorat Rasool Ki.

Samjha Na koi Shaane Risaalat Rasool Ki
Allah Jaanta Hai Haqiqath Rasool Ki.

Maana Gunahgar Hai Ummat Rasool Ki
Mehshar Me Dhoond Legi Shafa'at Rasool Ki.

Ghouse -O- Raza Mile Hamein Khwaja Piya Mile
Ham Pe Hain Aashiqon Ye Inayath Rasool Ki.

Karte Hai Ehterame Janaza Ham Isliye
Wo Karne Jaraha Hai Ziyarath Rasool Ki.

Taufeeqe Naate Ahmade Mursal Mili Tujhe
Afzal Khuda Ka Fazl Enayath Rasool Ki.