Tera Naam Hi Aisa Hai

Allah Allah Kis Qadar Hain Barkatein Iss Naam Me
Ya Ali Jab Kehdiya Sab Kaam Aasan Hogaye.
------------

Kyun Girta Na Sambhlega, Tera Naam Hi Aisa Hai
Taqdeer Badaldega, Tera Naam Hi Aisa Hai.

Maqbool Hui Tauba Tere Naam Se Aadam Ki
Aasan Na Ho Mushkil Kyun Mursile Aazam Ki
Aye Hamsafar -E- Zahra, Tera Naam Hi Aisa Hai.

Khushbu -E- Wilaa Aati Hai Har Dile Momin Se
Aur Aag Si Lagti Hai Har Dil Me Munafiq Ke
Kyun Aisa Na Ho Maula, Tera Naam Hi Aisa Hai.

Ye Jism Ye Jaan Maula Teri Hi Amanath Hai
Tere Naam Pe Marne Ka In'aam Shahadath Hai
Kyun Jaan Se Na Ho Pyaara, Tera Naam Hi Aisa Hai.

Tere Khalq Me Aane Se Khush Jab Ke Khudayi Thi
Phir Farte Masarrath Se Deewar Bhi Kaabe Ki
Kyun Cheer Na Le Seena Tera Naam Hi Aisa Hai.

Duniya Ko Mai Dikhladun Gar Teri Ijazath Ho
Tere Naam Ka Mai Dedun Gar Waasta Suraj Ko
Wo Aaj Bhi Palthega, Tera Naam Hi Aisa Hai.

Taqleeq Ke Din Se Ham Karte Hain Sana Teri
Har Saans Pe Lete Hain Ham Naam Tera Phir Bhi
Dil Sair Nahi Hota, Tera Naam Hi Aisa Hai.

Aati Hai Sada Koi Jab Naraaye Haidar Ki
Guzri Hai Kayi Sadiyaan Turbath Me Magar Ab Bhi
Dil Hilta Hai Marhab Ka, Tera Naam Hi Aisa Hai.

Har Dam Ye Aqeel Aaqa Tera Zikr Hi Karta Hai
Tere Naam Pe Marta Hai Tere Naam Pe Jeeta Hai
Kaise Na Jiye Aaqa, Tera Naam Hi Aisa Hai.