Khuda Ka Fazl Bhi Aur Mustafa Ka Qurb Paate Hain

Kalaam of Ahmed Naqshbandi Sahab

Khuda Ka Fazl Bhi Aur Mustafa Ka Qurb Paate Hain
Wilayath Auliya Maula Ali Ke Dar Se Paate Hain.

Ali Ka Hoon Ali Ka Hoon Ali Ke Dar Se Palta Hoon
Hamare Bacche Bhi Tukde Ali Ke Dar Se Khaate Hain.

Sharaf Waalon Kahan Se Laaoge Aisa Muqaddar Tum
Nabi Ke Dil Ke Tukde Sab Ali Ke Ghar Se Aate Hain.

Uhud Me Ho Jamal Me Ho Ke Ho Siffin Ka Maidan
Ali Hi Haq Pe Honge Hamko Ye Aaqa Bataate Hain.

Nabuwwat Ke Siwa Sab Par Hai Qabza Maula Haidar Ka
Sakhawat Bhi Shuja'ath Bhi Wilayath Unse Paate Hain.

Zarurath Hi Nahi Hamko Kisi Ke Dar Pe Jaane Ki
Ali Ko Har Musibath Me Ham Apna Maula Paate Hain.

Qayamath Ka Wo Manzar Aur Meri Be Fikri To Dekho
Meri Baqshish Karaane Ko Mere Maula Bulaate Hain.

Meri Qismat Pe Nazaan Kyun Na Ho Bolo Nakeeron Tum
Mujhe Tumse Bachane Ko Mere Maula Jo Aate Hain.

Ilaahi Teri Rehmath Ke To Hain Haqdaar Sab Ke Sab
Hamara Kaansa Bhi Bharde Ali Ke Ghar Se Aate Hain.

Ali Ki Azmaton Par Kyun Bigadte Ho Aye Mullah Tum
Zara Thehro Qayamath Me Ali Parda Uthaate Hain.

Balayein Kya Bigadegi Hamara Ham To Aye Aajiz
Ali Ke Paak Naamon Ka Wazifa Japte Jaate Hain.