Janabe Peer Sa Ab Koi Aaqa Ho Nahi Sakta

Janabe Peer Sa Ab Koi Aaqa Ho Nahi Sakta

Kalaam of Kamil

Janabe Peer Sa Ab Koi Aaqa Ho Nahi Sakta
Ye Wo Aaqa Hai Jiska Misl Paida Ho Nahi Sakta.

Qasam Allah Ki Laakhon Saharon Ka Sahara Hai
Ghulame Ghouse -E- Aazam Be Sahara Ho Nahi Sakta.

Ye Sach Hai Bandagi Ka Ham Se Dava Ho Nahi Sakta
Magar Sarkar Ka Banda Kisi Ka Ho Nahi Sakta.

Tumhare Haath Me Hai Faisla Mere Muqaddar Ka
Jo Tum Chaho To Mere Waaste Kya ,Ho Nahi Sakta.

Sifath Ke Zaat Par Tum Jitne Chaaho Chordo Parde
Magar Dekho Nazar Walon Se Parda Ho Nahi Sakta.

Bure Hain Ya Bhale Jaise Bhi Kuch Hain Tere Bande Hain
Hamara Ab Kisi Ke Haath Sauda Ho Nahi Sakta.

Janabe Peer Ne Zimma Liya Hai Parda Poshi Ka
Mureed Unka Kisi Soorat Se Ruswa Ho Nahi Sakta.

Maze Ki Cheez Hai Kamil Muhabbat Ghouse -E- Aazam Ki
Nahi To Zindagi Me Lutf Paida Ho Nahi Sakta.