Kahin Lafzon Se Mumkin Bhi Hai Midhat Mere Maula Ki

Kalaam of Hazrath Badeshah Hussaini (Layeeq) R.a

Kahin Lafzon Se Mumkin Bhi Hai Midhat Mere Maula Ki
Jamaale Haq Ka Aayina Hai Surath Mere Maula Ki.

Rasoole Hashmi Se Hai Qurabat Mere Maula Ki
Imamat Mere Maula Ki Wilayath Mere Maula Ki.

Uluwwe Martabat Par Aapki Kya Ghaur Karna Hai
Ali Ke Naam Se Zaahir Hai Rifath Mere Maula Ki.

Unhi Ke Dar Se Har Ek Silsile Me Faiz Jaari Hai
Ke Mash'hoore Do Aalam Hai Futuwwat Mere Maula Ki.

Nazar Parwardaye Maula Bhi Maula -E- Zamana Hai
Zara Bas Ho Hi Jaana Hai Inayath Mere Maula Ki.

Bajuz Uss Shai Ke Farmaan Jiska Hai Man Kuntu Maulahu
Khuli Kis Par Khudayi Me Haqiqath Mere Maula Ki.

Layeeq Unse Faqat Ek Rabte Mohkam Ki Zarurath Hai
Bada Be Fikr Kardeti Hai Nisbath Mere Maula Ki