Mai Kya Karun Bayan Fazilath Hussain Ki

Mai Kya Karun Bayan Fazilath Hussain Ki
Allah Hi Jaanta Hai Haqiqath Hussain Ki.

Kehte Rahe Hussain Mai Haidar Ka Laal Hoon
Maani Na Zalimon Ne Haqiqath Hussain Ki.

Fauje Yazeed Garche Wo Baais Hazaar Thi
Phaili Hui Hai Duniya Me Imamath Hussain Ki.

Gardan Katayi Shaan Se Jhukne Nahi Diya
Chupi Nahi Kisi Se Bhi Azmath Hussain Ki.

Bulandiyon Ko Naaz Hai Mere Hussain Par
Arshe Bareen Ko Chugayi Rif'ath Hussain Ki.

Karta Hai Faqr Isliye Rashid Hussain Par
Hamko Mili Hai Aisi Imamath Hussain Ki.