Ham Madine Se Allah Kyun Aagaye
Ham Madine Se Allah Kyun Aagaye
Kalaam of Behzad Lakhnavi Sahab
Ham Madine Se Allah Kyun Aagaye
Qalbe Haira Ki Taskeen Wahin Rehgayi
Dil Wahin Rehgaya Jaan Wahin Rehgayi
Ham Usi Dar Pe Apni Jabeen Rehgayi.
Allah Allah Wahan Ka Duroodo Salaam
Allah Allah Wahan Ka Sujoodo Qayaam
Allah Allah Wahan Ka Wo Kaifo Dawaam
Wo Salaate Sukoon Afreen Rehgayi.
Yaad Aate Hai Hamko Wo Shaamo Sahar
Wo Sukoone Dilo Jaan Rooho Nazar
Ye Unhi Ka Karam Hai Unhi Ki Ataa
Ek Kaifiyate Dil Nasheen Rehgayi.
Padhke Nasrum Minallahi Fathun Qareeb
Jab Hue Ham Rawaan Sooe Kooe Habeeb
Barkatein Rehmatein Saath Chalne Lagi
Bebasi Zindagi Ki Yahin Rehgayi.
Jis Jagah Sajda Rezi Ki Izzath Mili
Jis Jagah Har Qadam Unki Rehmath Mili
Jis Jagah Noor Rehta Hai Shaamo Sahar
Wo Falak Rehgaya Wo Zameen Rehgayi.
Zindagani Wahin Kaash Hoti Basar
Kaash Behzad Aate Na Ham Laut Kar
Aur Poori Hui Har Tamanna Magar
Ye Tamanna -E- Qalbe Hazeen Rehgayi.