Tera Zarra Mae Kamil Hai Ya Ghouse

Tera Zarra Mae Kamil Hai Ya Ghouse

Tera Zarra Mae Kamil Hai Ya Ghouse
Tera Khatra Yame Saail Hai Ya Ghouse.

Koi Saalik Hai Ya Waasil Hai Ya Ghouse
Wo Kuch Bhi Ho Tera Saail Hai Ya Ghouse.

Tu Apne Waqt Ka Siddiqe Akbar
Ghani -O- Haidar -O- Aadil Hai Ya Ghouse.

Wali Kya Mursal Aayein Khud Huzoor Aayein
Wo Teri Wa'az Ki Mehfil Hai Ya Ghouse.

Jise Maangein Na Paayein Jaah Waale
Wo Bin Maange Tujhe Haasil Hai Ya Ghouse.

Jo Qarnon Sair Me Aarif Na Paayein
Wo Teri Pehli Hi Manzil Hai Ya Ghouse.

Malak Mashghool Hain Uski Sana Me
Jo Tera Zaakir -O- Shaaghil Hai Ya Ghouse.

Na Kyun Ho Teri Manzil Arshe Saani
Ke Arshe Haq Teri Manzil Hai Ya Ghouse.

Bukhara -O- Iraaq -O- Chisht -O- Ajmer
Teri Lau Sham'e Har Mehfil Hai Ya Ghouse.

Jo Tera Naam Le Zaakir Hai Pyaare
Tasawwur Jo Kare Shaaghil Hai Ya Ghouse.

Sahabiyyath Hui Phir Tabaiyyath
Bas Aage Quadri Manzil Hai Ya Ghouse.

Hazaaron Tabaeen Se Tu Fuzoon Hai
Wo Tabqa "Mujmalan" Faazil Hai Ya Ghouse.

Ye Chishti Naqshbandi Suharwardi
Har Ek Teri Taraf Maail Hai Ya Ghouse.

Koi Kya Jaane Tere Sar Ka Rutba
Ke Talwa Taaje Ahle Dil Hai Ya Ghouse.

Sitham Kori Wahabi Raafzi Ki
Ke Hindu Tak Tera Qaail Hai Ya Ghouse.

Wo Kya Jaanega Fazle Murtaza Ko
Jo Tere Fazl Ka Jaahil Hai Ya Ghouse.

Jo Sar De Kar Tera Sauda Khareede
Khuda De Aql Wo Aaqil Hai Ya Ghouse.

Na Dekhun Shakle Mushkil Tere Aage
Koi Mushkil Si Ye Mushkil Hai Ya Ghouse.

Raza Ke Saamne Ki Taab Kisne
Falak Waar Uspe Tera Zil Hai Ya Ghouse.

Kaha Tu Ne Ke Jo Maango Milega
Raza Tujhse Tera Saail Hai Ya Ghouse.