Das Muharram Ba Waqte Shaam Hussain

Das Muharram Ba Waqte Shaam Hussain
Zakhm Hi Zakhm The Tamaam Hussain.

Zara Soncho Wo Kaun Hai Kya Hai
Jisne Rakha Hai Inka Naam Hussain.

Kiya Jaata Tha Aapki Khaatir
Lambe Sajde Ka Ehtemaam Hussain.

Das Muharram Ko Din Nahi Hota
Shaam Hoti Hai Sirf Shaam Hussain.

Pyaas Kehti Thi Mujhko Peelije
Sabr Kehta Tha Khud Ko Thaam Hussain.

Aaraha Hai Jawaab Taiba Se
Karraha Hoon Tumhe Salaam Hussain.

Maajid -E- Benawa Ki Jaanib Se
Kahiye Nana Se Bhi Salaam Hussain.