Be Talab Bheek Yahan Milti Hai
Be Talab Bheek Yahan Milti Hai
Kalaam of Altaf Shah Kazmi Sahab
Be Talab Bheek Yahan Milti Hai Aate Jaate
Ye Wo Dar Hai Ke Jahan Dil Nahi Tode Jaate.
Wo Naqaabe Rukhe Raushan Jo Uthaate Jaate
Meri Bigdi Hui Taqdeer Banaate Jaate.
Ye Hai Aaqa Ki Inayath Wo Karam Karte Hain
Warna Ham Jaise Kahan Dar Pe Bulaaye Jaate.
Wo Mere Dil Ke Dhadakne Ki Sada Sunte Hain
Isliye Lafz Zubaan Par Nahi Laaye Jaate.
Unki Dehleez Ke Mangte Hain Badi Mauj Me Hain
Ham Se Aghyaar Ke Tukde Nahi Khaaye Jaate.
Ye To Sarkar Ki Rehmath Ne Hamein Thaam Liya
Warna Dar Dar Pe Yunhi Thokarein Khaaye Jaate.
Kaash Apna Bhi Madine Me Koi Ghar Hota
Dekhte Rauzaye Sarkaar Ko Aate Jaate.
Shehre Sarkar Ki Ham Khaak Ke Zarre Hote
Aapki Raah Me Bikhre Hue Paaye Jaate.
Apna Madfan Bhi Muqaddar Se Jo Banjaata Baqi
Hashr Me Aapke Qadmon Se Uthaaye Jaate.
Khafile Waalon Zara Thairo Mai Aata Hoon Abhi
Ek Aur Naat Sunaalun Unhe Jaate Jaate.
Shamma -E- Deen Na Iss Shaan Se Raushan Hoti
Khoon -E- Asghar Se Na Gar Deep Jalaaye Jaate.
Ham Kahan Hote Kahan Hoti Ye Mehfil Altaf
Khaak -E- Karbal Pe Agar Sar Na Kataaye Jaate.