Usne Duniya Me Hi Jannat Ka Nazara Dekha

Kalaam of Waseem Ilhaami

Usne Duniya Me Hi Jannat Ka Nazara Dekha
Jeete Jee Jisne Mere Ghouse Ka Rauza Dekha.

Ham Bhala Kya Hain Haqeeqat Hi Hamari Kitni
Unke Darbaar Me Waliyon Ko Bhi Mangta Dekha.

Kiske Kandhon Pe Hai Sarkare Madina Ke Qadam
Ye Wo Manzil Hai Jahan Ghouse Ko Tanha Dekha.

Damane Ghouse Mila Jisko Bhi Qismat Se Yahan
Uski Qismat Me Ujaala Hi Ujaala Dekha.

Jo Lagate Hain Makanon Me Hare Jhande Ko
Unpe Baghdad Ke Sultan Ka Saaya Dekha.

Kyun Waseem Aapke Darbar Se Khaali Laute
Damane Dil Yahan Har Ek Ka Bharta Dekha.