Sayyade Aale Abaa Maula Ali
Sayyade Aale Abaa Maula Ali
Kalaam of Aarif Pasha Quadri Laubali Sahab
Sayyade Aale Abaa Maula Ali
Deene Ahmed Ki Bakha Maula Ali.
Sau Saharon Ka Sahara Murtaza
Sau Wazifon Ka Wazifa Ya Ali.
Hai Hararat Zindagi Ki Aapse
Zeest Ka Unwaan Hai Maula Ali.
Qabr Me Jo Hoga Dekha Jaayega
Saath Hoga Aapka Shijra Ali.
Waasta Hai Sayyadul Abdaal Ka
Hind Waalon Par Karam Ho Ya Ali.
Saans Ke Naghme Ki Lay Ya Ghouse -E- Paak
Dil Ki Dhadkan Ki Sada Hai Ya Ali.
Ya Ali Ka Tarjuma Ya Ghouse Hai
Ya Nabi Ka Tarjuma Hai Ya Ali.
Daaldo Aarif Ki Jholi Me Bhi Kuch
Ghouse -E- Aazam Ka Utaara Ya Ali.