Uthado Parda Dikha Do Chehra
Uthado Parda Dikha Do Chehra
Kalaam of Ahmed Raza Khan Sahab R.a
Uthado Parda Dikha Do Chehra
Ke Noore Baari Hijaab Me Hai
Zamana Tareek Ho Raha Hai
Ke Mehr Kab Se Naqaab Me Hai.
Unhi Ki Bu Maaya -E- Saman Hai
Unhi Ki Khushbu Chaman Chaman Hai
Unhi Se Gulshan Mehek Rahe Hain
Unhi Ki Rangat Gulaab Me Hai.
Khade Hain Munkir Nakeer Sar Par
Na Koi Haami Na Koi Yaawar
Bataado Aakar Mere Payambar
Ke Sakht Mushkil Jawaab Me Hai.
Khudaye Qahhar Hai Ghazab Par
Khule Hain Badkaariyon Ke Daftar
Bachaalo Aakar Shafiye Mehshar
Tumhara Banda Azaab Me Hai.
Kareem Aisa Mila Ke Jiske
Khule Hain Haath Aur Bhare Khazane
Bataao Aye Muflison Ke Phir Kyun
Tumhara Dil Iztiraab Me Hai.
Kareem Apne Karam Ka Sadqa
Laeeme Be Qadr Ko Na Sharma
Tu Aur Raza Se Hisaab Lena
Raza Bhi Koi Hisaab Me Hai.