Mai To Naam Japu Ali Ali Ka

Mai To Naam Japu Ali Ali Ka

Mai To Naam Japu Ali Ali Ka
Ali Se Hoon Wabasta
Ali Ali Mere Maula Koi Aur Naa.

Maula Ki Aamad Jiss Dam Marzi -E- Haq Hui
Kaabe Ki Deewaren Bhi Uss Waqt Shak Hui.
Kaabe Me Paida Hua Koi Aur Naa.

Maula Ko Dekhna Tha Chehra Huzoor Ka
Yoon Dekha Sab Se Pehle Chehra Huzoor Ka
Thi Yehi Khwahishe Maula Koi Aur Naa.

Kisne Ummat Ki Khatir Sab Kuch Lutwadiya
Karbal Me Sajda Karke Sar Bhi Katwadiya
Sajdon Me Aisa Sajda Koi Aur Naa.

Hota Hai Kab Kisi Ka Kumba Hasnain Sa
Beti Ho Zainab Jaisi Beta Hussain Sa
Kumbe Me Aisa Kumba Koi Aur Naa.

Mere Maula Ali Hain Pyare Rasool Ke
Damad -E- Mustafa Hain Shauhar Butool Ke
Duniya Me Aisa Rutba Koi Aur Naa.

Mere Maula Ali Hain Darwaza Ilm Ka
Kardenge Khatima Ye Duniya Se Zulm Ka
Bolo Sab Maula Maula Koi Aur Naa.

Hoti Hai Mushkil Hal Sab Maula Ke Naam Se
Khaibar Ki Haisiyat Kya Maula Ke Saamne
Duniya Me Sher Khuda Ka Koi Aur Naa.

Peese Ke Shab Hua Hai Aisa Bhi Maujza
Gumbade Khwaja Sab Ne Dekha Aur Ye Kaha
Ye To Hai Maula Maula Koi Aur Naa.

Hijr Ke Waqt Nabi Ne Apne Bistar Par
Mere Maula Ko Sulaya Aur Kiya Tay Safar
Jaa Nisaaron Me Dooja Koi Aur Naa.

Naaron Me Hamko Pyaara Naaraye Haidari
Paanch Naare Panjatan Ke Ek Naaraye Haidari
Naaron Me Aisa Naara Koi Aur Naa.

Har Dam Jiska Wazifa Maula Ka Naam Hai
Khwaja Ka Noor Aalam Adna Ghulam Hai
Jaisa Hai Rehbar Mera Koi Aur Naa.