Kijiye Sarkar Kuch Aisi Nazar Ya Mustafa

Kalaam of Hazrath Waasiq R.a

Kijiye Sarkar Kuch Aisi Nazar Ya Mustafa
Aap Hon Maujood Mai Dekhoon Jidhar Ya Mustafa.

Aap Hi Ki Dhun Me Hoti Hai Basar Ya Mustafa
Kaash Ho Jaaye Madina Mera Ghar Ya Mustafa.

Aap Hi Hain Markaze Takhleeqe Do Aalam Huzoor
Aapke Shaidaai Hain Jinn -O- Bashar Ya Mustafa.

Mus'haf -E- Ruq Ki Tilawath Ke Maze Leta Hai Wo
Aap Aajate Hain Jisko Bhi Nazar Ya Mustafa.

Waasiq -E- Khasta Ko Qadmon Se Laga Rakhen To Bas
Aapka Hai, Hai Agar Che Be Hunar Ya Mustafa.