Ya Rab Meri Soyi Hui Taqdeer Jagade

Ya Rab Meri Soyi Hui Taqdeer Jagade

Ya Rab Meri Soyi Hui Taqdeer Jagade
Aankhein Mujhe Di Hain To Madina Bhi Dikhade.

Sunne Ki Jo Quwwath Mujhe Baqshi Hai Khuda Wand
Phir Masjide Nabawi Ki Azaanein Bhi Sunade.

Hooron Ki Na Ghilmaan Ki Na Jannat Ki Talab Hai
Madfan Mera Sarkar Ki Basti Me Banade.

Muddat Se Mai In Haathon Se Karta Hoon Duaen
In Haathon Me Ab Jaali Sunehri Bhi Thama De.

Mu Hashr Me Mujhko Na Chupana Padhe Ya Rab
Mujhko Tere Mehboob Ki Chadar Me Chupade.

Ishrath Ko Bhi Ab Khushbu -E- Hassan Ataa Kar
Jo Lafz Kahe Hain Use Tu Naat Banade.