Yoon Adaa Karne Laga Hoon Mai
Yoon Adaa Karne Laga Hoon Mai
Kalaam of Hazrath Osman Hussaini (Zaki) R.a
Yoon Adaa Karne Laga Hoon Mai Salaam -E- Ghouse Paak
Bangaya Qibla Mere Haq Me Maqaam -E- Ghouse Paak.
Acche Acchon Ne Qadam Unke Sar Aankhon Par Liye
Allah Allah Re Kamaale Ehteraam -E- Ghouse Paak.
Har Makaan Zere Tasarruf Har Makeen Zere Nageen
Nazme Aalam Dar Haqeeqat Hai Nizaam -E- Ghouse Paak.
Mai Qadam Bosi Karun Itni Kahan Meri Majaal
Koi Pohonchade Dame Aakhir Salaam -E- Ghouse Paak.
Chashme Mazaagh Al Basar Se Raast Nisbath Hai Unhein
Jo Imaam -E- Ambiya Hain Hain Imaam -E- Ghouse Paak.
Aye Zaki Ye Kaif Hasil Ho Khuda Ke Fazl Se
Shakle Ghouse -E- Paak Dil Me Lab Pe Naame Ghouse Paak.