Shukr Hai Rabt Mera Hai Mere Sarkar Ke Saath

Kalaam of Hazrath Pasha Miyan (Aarif) R.a

Shukr Hai Rabt Mera Hai Mere Sarkar Ke Saath
Yaani Muqthar -E- Do Aalam Shahe Abraar Ke Saath.

Saaf Kehta Hai Alaina Ka Tashahud Me Jawab
Ham Gunahgar Hain Har Haal Me Sarkar Ke Saath.

Ho Karam Unka To Mehshar Me Uthunga Mai Bhi
Mere Aaqa Mere Maula Mere Sarkar Ke Saath.

Haar Bhi Jaaun Agar Ishqe Nabi Ki Baazi
Jeet Meri Hi Musallam Hai Meri Haar Ke Saath.

Khatm Afsanaye Dil Hoga Sukoone Dil Se
Dam Nikal Jaaye Agar Aapke Deedar Ke Saath.

Kashf Bardaari Ka Haasil Mujhe Hojaye Sharaf
Mujhko Rehne De Ilahi Mere Sarkar Ke Saath.

Noor Se Noor Ki Tasweer Banakar Aarif
Haq Ne Rakha Nahi Saaya Qad -E- Dildaar Ke Saath.