Hashr Me Phir Milenge Mere Doston

Hashr Me Phir Milenge Mere Doston

Hashr Me Phir Milenge Mere Doston
Bas Yehi Hai Maqaam Aaqri Aaqri.

Kehna Sab Jeete Ji Ke Hain Shikwe Gile
Aaj Se Khatm Duniya Ke Sab Silsile
Shaam Dhalne Ko Hai Dam Nikalne Ko Hai
Ab Hai Qissa Tamaam Aaqri Aaqri.

Mujhko Nehla Ke Pehna Diya Hai Kafan
Ro Chuke Milke Maa Baap Bhai Behen
Maut Bhi Doston Aaj Hairath Me Hai
Ab Hai Qissa Tamaam Aaqri Aaqri.

Khushbuon Me Kafan Ko Basane Lage
Meri Maiyyath Ko Dulhan Banane Lage
Doston Ab Uthao Janaza Mera
Hochuka Intezaam Aaqri Aaqri.

Mujhko Zere Zameen Yaar Dafna Gaye
Kis Qadar Sang Dil Hoke Farma Gaye
Doston Chain Ki Neend Sote Raho
Bas Yehi Hai Maqaam Aaqri Aaqri.

Kaisi Duniya Hai Khurshid Ghazab Re Ghazab
Chand Dinon Me Yahan Bhool Jaate Hain Sab
Jis Bahane Meri Yaad Aajaye To
Padhraha Hoon Kalaam Aaqri Aaqri.

Zindagi Ne Jahan Tak Wafa Ki Rahi
Chaldiye Ab Salaam Aaqri Aaqri.