Bas Gaya Dil Me Mere Rauzae Waala Tera

Kalaam of Hazrath Osman Hussaini (Faaiq) R.a

Bas Gaya Dil Me Mere Rauzae Waala Tera
Khup Gaya Aankhon Me Wo Gumbade Khazra Tera.

Ghame Duniya Hai Na Kuch Khauf -E- Azaab -E- Mehshar
Bas Hai Allah Ka Fazl Aur Waseela Tera.

Ya To Wo Din The Ke Maskan Tha Madina Apna
Ab Meri Aankhon Me Phirta Hai Madina Tera.

Uske Sadqe Me Hamein Baqsh Khuda Wand -E- Kareem
Shaahe Laulaak Jo Mehboob Hai Pyaara Tera.

Ambiya Bhi Yehi Mehshar Me Kahenge Tujhse
Aaj Ke Roz Shafa'at Ka Hai Zimma Tera.

Ab To Faaiq Ko Madine Me Khudaya Pohoncha
Hai Bohot Hind Se Bezaar Ye Banda Tera.