Agar Matloob Ho Sadqa Nabi Ka
Agar Matloob Ho Sadqa Nabi Ka
Kalaam of Hazrath Pasha Miyan (Aarif) R.a
Agar Matloob Ho Sadqa Nabi Ka
To Daaman Thaamlo Maula Ali Ka.
Hoon Mauroosi Mai Shaidayi Ali Ka
Hai Ghera Mujhko Bachpan Se Usi Ka.
Wohi Sajdhaj Wohi Andaaz Bilkul
Jo Naqsha Mustafa Ka Wo Ali Ka.
Yehi Zewar To Hai Mujhko Mayassar
Tumhara Daaghe Ulfath Mera Tika.
Ye Mera Thaat Saara Mere Maula
Tasadduq Hai Faqat Sarkar Hi Ka.
Mila Qismath Se Jo Damane Rehmath
Ghulamon Ko Bharam Hai Bas Issi Ka.
Mere Maula Mere Dil Me Bhi Aayein
Ke Ye Bhi Hai Thikana Aap Hi Ka.
Muhabbath Me Ali Ki Gungunana
Ye Hai Miyaar Meri Shayari Ka
Zara Aane To Do Maula Ko Mere
Nikalunga Mai Phir Armaan Jee Ka.
Khayaale Dost Me Khojaao Aarif
Usi Me Lutf Hai Kuch Zindagi Ka.