Ya Mustafa Ata Ho Phir Izn Haazri Ka

Ya Mustafa Ata Ho Phir Izn Haazri Ka

Ya Mustafa Ata Ho Phir Izn Haazri Ka
Karloon Nazaara Aakar Phir Aapki Har Gali Ka.

Ek Baar Phir Dikhado Ramzan Me Madina
Beshak Banalo Aaqa Mehman Do Ghadi ka.

Rota Hua Phir Aaun Daaghe Jigar Dikhaun
Afsana Bhi Sunaun Mai Apni Bekasi Ka.

Phir Sabz Sabz Gumbad Ki Dekhloon Baharein
Ab Izn De Do Aaqa Phir Mujhko Haazri Ka.

Ya Mustafa Gunahon Ki Aadatein Nikal Jaayein
Jazba Mujhe Ataa Ho Sunnat Ki Pairwi Ka.

Dil Se Ghuroor Nikle, Bahre Huzoor Nikle
Ya Rab Mujhe Banade Paikar Tu Aajzi Ka...